絲打圍佬︱余德丞自爆多異性朋友 大談擇偶條件竟被鬧爆

《絲打圍佬》截圖
《絲打圍佬》截圖

現年33歲嘅前TVB力捧上位小生余德丞(Dickson),上年5月突然宣佈已離巢,與TVB結束8年賓主關係。余德丞回復自由身後,除咗擔任電台節目客席主持之外。佢仲亮相Now Sports、ViuTV節目及經營個人影片頻道,不同嘅工作機會接踵而來。近日佢就擔任網台節目《絲打圍佬》嘉賓,與主持人楊詩敏(蝦頭)及連詩雅(Shiga)大談擇偶條件,不過節目出街後竟然被網民鬧爆。

余德丞喺節目中被問及與緋聞女友嘅關係,當問及周秀娜嘅時候,佢就勁快回答話係朋友,而蔡思貝就秒答話係兄弟,搞到蝦頭都寸佢:「你講呢啲,有冇搞錯呀!」,之後,連詩雅就話咁多位緋聞女友中佢覺得最真係周秀娜,而蝦頭就覺得最真係蔡思貝,余德丞就話全部都冇拍過拖。余德丞再話自己比較多異性朋友,同時亦覺得同佢哋出街食飯睇戲係好正常。

余德丞表示好多緋聞女友都係拍劇集嘅拍檔,而周秀娜就係鄰居關係,Shiga就好驚訝表示自己好少同鄰居做朋友,蝦頭就話如果係周秀娜鄰居,佢都會同佢做朋友。Dickson就笑話:「你屋企有冇豉油呀?借啲嚟呀!我好肚餓呀,有冇宵夜食呀?」,主持人即場大笑。

余德丞被問及擇偶條件,外型方面佢就鍾意女仔短頭髮、唔可以太瘦、及唔需要太高,之後再補充話唔鍾意對眼分得太開嘅女仔。之後,Shiga即表示Dickson唔會鐘意自己,因為佢覺得自己對眼分得開,並話試過被人惡搞改圖成阿凡達,嚇到Dickson澄清唔係針對佢,仲話Shiga靚好多。至於其他因素方面,Dickson就鍾意麻甩、爽朗、鍾意食嘢、有時尚觸覺、唔可以太過煩人,及最好係住港島區,因為佢自己係住港島區同埋好似好親近咁。影片出街後,有網民覺得Dickson好好笑,亦網民鬧爆佢地區性揀女朋友,例如「佢嫌人哋住九龍新界cheap啲咁。」及「佢好似啲少爺仔,覺得住港島區高人一等」 等等。

《絲打圍佬》截圖
《絲打圍佬》截圖
《絲打圍佬》截圖
《絲打圍佬》截圖
《絲打圍佬》截圖
《絲打圍佬》截圖
《絲打圍佬》截圖
《絲打圍佬》截圖
《絲打圍佬》截圖
《絲打圍佬》截圖
《絲打圍佬》截圖
《絲打圍佬》截圖
《絲打圍佬》截圖
《絲打圍佬》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!