網媒Timable記者撞正「名星」離港偷食 網民激估係邊個

0+3政策推行後,唔少港人都立即買機票,享受疫情以來2年幾未試過嘅外遊假期。藝人都有唔少已經起程甚至返埋香港,好似MIRROR成員盧瀚霆(Anson Lo)早排就同隊友李駿傑(Jeremy)一齊趁復工前飛一轉日韓。

機場再次成為「撞星」熱點,網媒Timable尋晚喺facebook出咗個post,聲稱有同事喺機場「目擊『名星』偷食離港」,更巧合喺嗰位Timable記者同嗰位「名星」同機,有埋航班編號,並且標籤「#備案」,似乎出post原因就係想日後即使呢單嘢揚咗,大家都知係Timable記者第一個發現。

網媒Timable記者撞正「名星」離港偷食 網名激估係邊個
網媒Timable記者撞正「名星」離港偷食 網名激估係邊個

Timable嘅facebook編輯嘗試喺留言tag另一娛聞網媒「娛壹」跟進,但都未能成功。而唔少網友都喺個post下面留言,想知「名星」係邊個,偷食對象又會係邊個之類八卦。

有網友估,個post係深夜時份出,可能「名星」係坐red eye通宵航班飛日韓。亦有人認為咁樣開post會俾晒機會當事人搵公司拆,而且冇圖冇真相,恐防爆唔出啲咩喎。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!