雅虎香港新聞 網絡熱話丨港女去迪士尼曾被公仔抽水？ 網民：件公仔咁厚抽水都感受唔到啦
不少人去迪士尼樂園都會排隊跟迪士尼公仔拍照留念，不過你又有否想過頭套下的是什麼人？日前有網民在連登討論區發文問有沒有人被迪士尼公仔抽水。此帖即刻引發一眾網民跟有份扮演公仔的職員熱烈回應！
最近，有網民在連登發文「迪士尼啲公仔朋友，見到靚女會唔會抽水？」，有網民回應未有疫情前，很多日本女孩進入迪士尼會跟公仔拍照，「啲日本妹又好受落被某個好高嘅角色攬頭攬頸」。
有網民又表示試過被巴斯光年攬腰，「試咗比巴斯光年攬腰掂到波邊咁濟，我推開，我都唔知係罩住睇唔到定點。」然後又有另一位網民指「我地係咪遇到同一個巴斯光年，2019年頭有一次去陪朋友同佢影相，佢幾flirty幾狗公下」。
另有網民指，不只香港迪士尼樂園，她去美國迪士尼亦曾被抽水「會呀，嗰陣去加州嗰個，一入去就俾隻豬仔抽水拍我個pat pat，拍完仲扮笑，懶可愛咁」。
不過，亦有一部分網民認為這個推斷不成立，因為「唔熱死都偷笑啦，邊有心情抽水，同埋隔住件公仔衫抽到d咩」，「套衫又重又臭，着半個鐘都無命仲抽乜嘢水」，「件衫咁厚，抽水都感受唔到啦」、「粒住件野咁熱，又厚，都有淫念？」。
引扮公仔職員回應
此帖竟引出了扮演迪士尼公仔的職員留言，「試過扮財神同比卡超，啲女主動式請食波餅，而家有機會有時間我都想做下，同啲人互動玩下，咁就一日真係好開心」。
不過他又表示「其實係睇公司嘅，有啲公司就話唔畀有太多身體接觸，有啲就冇咩所謂」，另一網民又指「公仔衫有啲係硬殼，但好多都係薄布黎，只係質地似絨毛先咁熱，手套就9成都薄手套」。
更多相關文章：
印度神童2022｜梨泰院慘劇係預言之內？印度斷橋又「貼中」？尚有10個「炸彈」未爆炸？印度神童教自救方法
網絡熱話丨港女交友apps中伏遇上港男呃飯食呃戲睇！走數「極品」男唔還錢自信發言：通常啲女追我多
