羅天宇擺脫孱弱振雄風 宋宛穎放下戒心 盼開齋拍劇

肖兔的羅天宇及宋宛穎（Sabrina）聯同上位小生吳偉豪（Ricco）及小花陳嘉慧（Erica）向讀者拜年！天宇與Sabrina屬本命年犯太歲會多變動，Sabrina透露本來有些擔心，後來問了身邊朋友才發現犯太歲也非壞事：「有幾個港姐都係犯太歲嗰年攞港姐冠軍，犯太歲只係有轉變，但未必係壞轉變。」Ricco即時搭話：「上年係虎年，我肖虎，我就攞到『男飛躍』！」Sabrina聞言即許願：「上年入行做過好多大騷主持，希望今年可以入劇組拍劇！」形象孱弱斯文的天宇亦期望兔年有新轉變：「想角色上有多啲新嘗試，希望拍槍擊動作戲，畀人睇到男子漢嘅一面！」而Erica去年入圍「女飛躍」五強，期望明年獲獎，笑言要找Ricco集氣。

吳偉豪識做派利是

講到新年，他們異口同聲表示應要在工作中度過，而天宇透露新年有個習慣，就是親手為愛犬剪毛：「每次剪完，我條腰都冇咗，因為要彎腰剪足兩個鐘！」而Erica的家人均在外地，她指家中有個習俗就是每年會在指定地方，一家人齊集過年。至於剛獲「男飛躍」的Ricco去年可謂大豐收，他亦十分識做，今個新年會首度派利是：「今年應該要派，冇得唔派。（係咪聽者有份？）冇錯！（派雙封？）我攞兩個獎先！（預派幾多位數？）我唔知，未派過。」Erica建議他預6位數，被嚇親的Ricco即說：「咁我要儲吓錢先！」