羅曼菲聽七師傅話 性感普渡眾生

羅曼菲身材惹火,未知在節目中會否騷Quali?
羅曼菲身材惹火,未知在節目中會否騷Quali?

玄學家七仙羽(七師傅)、藝人火火、羅曼菲及何洛瑤(Sica)等,昨日出席ViuTV節目《瘋火與膠七》記者會,當中羅曼菲「胸狠」現身,非常養眼!玩遊戲時,七師傅被衣夾夾手指及耳珠,痛得呱呱大叫,被一眾拍檔取笑「痛到發出呻吟聲」。

七師傅自爆今次再同火火合作,有種老夫老妻的感覺,又試過在遊艇拍攝時,攰到同床共枕:「佢有股磁場,你會好想接觸佢,但又唔會有遐想,佢個個都上得。(吓?)玩得先啱!」問到老公會否呷醋,她說:「佢係外國人嘛!之前我試過同伍仲衡做嘢合巹交杯,佢反而覺得係種禮貌,鼓勵我做多啲,又幫我影相紀念。」而羅曼菲被問到節目中是否同樣性感現身,她說:「服裝係劇組提供。(介意性感?)冇所謂,好似師傅講,都係普渡眾生啫!」

七師傅出名玩得,難得老公唔呷醋。
七師傅出名玩得,難得老公唔呷醋。