考慮開聯名戶口 馬國明氹湯洛雯 附屬卡任碌

馬國明與湯洛雯愛得甜蜜，不時在社交網放閃，男方透露與女友已發展至「晨運跑步」，感情一日千里，更準備奉上附屬卡給湯洛雯任碌！

馬國明、郭晉安、陳豪、胡定欣、唐詩詠、張曦雯（Kelly）等，昨日在油麻地宣傳無綫重頭劇《白色強人Ⅱ》。馬國明女友湯洛雯早前被人在社交網冒認周圍借錢，慶幸無人中招。他認為社交網容易遭人冒充，他試過在馬來西亞遭冒名向粉絲借錢，故提醒大家要警惕。

談到湯洛雯上載與他攬到實的照片放閃，再惹來結婚猜測，他說：「佢覺得呢張相氣氛好正，都係嗰句，如果有宣布會同大家講，唔會曲線嘅。」並指該照片由高海寧操刀，他自嘲為女友影100張相，對方僅2張收貨，故要好好向高海寧學習。對於女友投訴他未陪過看日出日落，他笑言：「佢成日都唔記得，朝早5、6點同佢去跑步咪睇過囉，我哋已經發展到去晨運，真係一日千里，哈哈！」

張曦雯計劃外地結婚

馬國明自爆與媽媽有聯名戶口，問到何時與女友開戶？他笑言：「遲啲可能考慮吓，佢成日話首先要畀張附屬卡佢先，遲啲啦，香港男人都要做。」

至於詩詠好友黃嘉樂今日結婚，擔任兄弟團的她笑言：「希望到馬國明結婚能夠打破傳統，唔好咁早啦，最好下晝先搞婚禮。」而Kelly被問可有「筍盤」介紹給詩詠？她指男友的朋友多是外國人，詩詠聞言即耍手擰頭。Kelly表示以前沒想過結婚，但與男友拍拖多時，會朝結婚方向發展，考慮到拉斯維加斯簽字結婚。