雅虎香港新聞 聖誕禮物2022｜推薦7間抵玩DIY工作坊！自製純銀情侶戒指／蜜蠟玫瑰花／公仔電織槍地毯
眨下眼又來到12月，雖然仍有半個月先到聖誕節，但周圍都已經開始感受到濃濃的聖誕節氣氛！Christmas除了要計劃好去邊食聖誕大餐、Staycation、聖誕活動外，大家諗好今年買什麼聖誕禮物送俾朋友或者情人未？唔想年年都只買聖誕禮物咁無新意，編輯今次為大家精選7間聖誕禮物DIY工作坊，花少少心思，用幾小時就可以輕鬆整出獨一無二的聖誕禮物，無論心意定誠意都爆燈，情人抑或朋友收到都一定開心！
👉🏻聖誕禮物推薦全攻略！聖誕大餐、實用禮物、減價情報去呢度一個Page睇晒
【立即睇】全新 Yahoo Shopping 專頁正式上線，跟貼最新優惠情報！
DIY聖誕禮物推薦1）永不凋謝的玫瑰蜜蠟花
鮮花及乾燥花是不少人送聖誕禮物俾另一半的首選，不過個個都送同一款禮物就略嫌不夠特別！今年聖誕送俾驚喜另一半，不妨自製一朵永不凋謝的玫瑰蜜蠟花，心思爆燈之外，更可以代表住對對方永遠不變的愛！玫瑰蜜蠟花工作坊由工具介紹，蜜蠟花製造方法，以至組裝都由自己一手製作，根據各自的喜好及顏色一步步教你整出全世界只此一朵的玫瑰蜜蠟花，浪漫程度滿分！
【體驗】玫瑰蜜蠟花玻璃瓶工作坊
價錢：$650
DIY聖誕禮物推薦2）自選香味香薰蠟燭
近年越來越多人使用香薰蠟燭，晚上用一陣可以放鬆身心靈，精神緊張都減少。加上女生們都對香味有一股無法形容的吸引力，每次只要一聞就會成個人開心晒，所以如果想來年過得開開心心，可以考慮DIY一個香薰蠟燭做聖誕禮物。編輯推薦的香薰蠟燭工作坊不單只可以自選香味，更可以在蠟燭中加入自己想寫的書法字句，夠晒sweet！另一半每日聞住你整的香薰，自然心情好，爭執都減少！各位男士今個聖誕識做啦～
【體驗】訊息蠟燭工作坊
價錢：$580
DIY聖誕禮物推薦3）手工木製原子筆／鋼筆
每次講到DIY木製禮物，來來去去都是木碗、木碟，今年一於搞搞新意思，送手工木製原子筆！由夫妻檔打理的白犬工坊有5款筆種選擇，鉛芯筆、幼原子筆、粗原子筆、幼鋼筆及粗鋼筆，workshop會由原始木材開始教大家車刀、打磨及組裝，加多$50更可以親手用電烙筆刻埋字上去，聖誕禮物送俾男朋友一流！
【體驗】香港手工木筆製作課程(原子筆、鋼筆)
價錢：$700
DIY聖誕禮物推薦4）電織槍地毯
最近在Instagram上都見到不少朋友打卡去整電織槍地毯，自家設計想要的圖案，再一手一腳由揀針線開始編織。電織槍地毯比起傳統的針線編織容易得多，而且只需半日時間就可以完成作品，夠晒快捷！推薦大家可以整情侶樣、對方的小動物樣及喜歡的公仔圖案，非常特別！
【體驗】電織槍工作坊
價錢：$700起
DIY聖誕禮物推薦5）浪漫程度100分 自製純銀情侶戒指
女生鍾意收飾物珠寶外，如果由另一半親自打造的情侶戒指，意義就更為重大！位於葵涌的戒指工作坊，只需要4小時就可以由零開始，到逐步體驗金屬切割、退火、焊接、打磨等工序，如果想要其他顏色款式或添加其他裝飾的話，更可以另加錢製作，打造一對只屬於你們的情侶戒指！聖誕節無論想自己偷偷地整完送俾另一半，抑或當作聖誕活動一齊整都超適合！
【體驗】一人成班 純銀DIY戒指金工班
價錢：$780
DIY聖誕禮物推薦6）自己調製淡香水
想每次見到另一半時都聞到自己鍾意的香味？聖誕節自家調製一款「我的最愛」淡香水就啱晒！工作坊有50多款香水原料供選擇，導師會由聞香練習到教大家揀出你最愛的原料及精油，再教埋調配香水的技巧，做出一枝獨一無二的淡香味！
【體驗】皇牌香水工作坊
價錢：$450起
DIY聖誕禮物推薦7）純手工陶瓷杯
每次聖誕禮物只要收到杯，都必定會被嫌棄為最伏禮物！今次雖然推薦大家送杯，不過這款「杯」由陶泥開始，拉坯、上色等每個工序都由自己一手一腳包辦，跟平日的普通杯完全不一樣，充滿住誠意及耐性，絕對唔會成為伏禮物！
【體驗】手捏陶藝體驗班(直身有抦杯)
價錢：$500
鐘意網購嘅朋友，加入我哋嘅網購網，拎更多網購/集運資訊啦～
🎉📱最新優惠碼/網購攻略：https://hk.news.yahoo.com/topic/hkshopping
🎉📱Shopping Facebook：https://www.facebook.com/YahooHKShopping/
潮流熱話：
聖誕禮物2022｜交換禮物設計感滿滿之選！MoMa尋寶Jellycat公仔、Keith Haring國際象棋、BE@RBRICK香薰擴香石
聖誕裝飾2022｜溫暖窩居聖誕佈置5大靈感！低成本小空間都可以過儀式感White Christmas（附精緻小飾物推介）
聖誕禮物2022｜CP值超高聖誕美妝套裝推介！Sephora聖誕限定：Drunk Elephant、fresh護膚套裝千元內埋單
