胡鴻鈞離巢 吳業坤坐正星夢一哥

胡鴻鈞(左)想作更多新嘗試,不想再跟吳業坤合唱。
胡鴻鈞(左)想作更多新嘗試,不想再跟吳業坤合唱。

歌手胡鴻鈞與吳業坤昨日錄影《勁歌金曲》,宣傳劇集《廉政狙擊》片尾曲《友共情》,今次是兩人相識十餘年首次合作,甫見面即「一哥嚟一哥去」互笠高帽,最終胡鴻鈞承認已離巢星夢﹗

對於名正言順坐上「一哥」之位,吳業坤表示:「一唔一哥冇所謂,最緊要唱歌唱得開心。」胡鴻鈞接口:「我從來都唔係『一哥』,相信吳業坤都唔想咁樣被標籤,真係好大壓力,總之做好本分已經足夠。」問到未來狀況?他透露:「交畀邵氏(經理人公司)幫我傾。(好多唱片公司向你招手?)聽講幾間咁。(你有乜條件?)唔想再同吳業坤合唱,想畀歌迷多啲新鮮感,作多啲新嘅嘗試。(你哋啱啱首次合作喎。)《友共情》嘅版稅好貴,6位數,做人唔好太貪心嘛。」