網民分享自由行Plan行程6大盲點!外國繁忙時間要查清楚/揀廉航及平價酒店分分鐘仲貴?

網民分享自由行Plan行程6大盲點!
網民分享自由行Plan行程6大盲點!

港人久久未有外遊,Plan行程技術有無生疏到呢?Plan行程這回事令人又愛又恨,既可以親自發掘一大堆想去的景點,但又要諗路線、交通、計Budget、訂酒店機票等,只要稍有疏忽就會打亂行程又或增加旅費!最近有網民就以「Plan行程盲點」為題,以過來人身份分享Plan行程最常忽視的盲點,增加旅遊時間或價錢成本,今次夾埋其他網民的意見,列出Plan行程6大盲點,一齊參考下!

按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!

Element5 Digital @pexels
Element5 Digital @pexels

盲點1. 酒店格價逐個網睇

話說樓主搭車隔離位女士成程車係到碌酒店格價網,其實搵酒店又洗咩逐個網格價,遠在天邊近在眼前的Google map亦是格價好幫手,只要Click間酒店,就會彈出一系列酒店網及官網的價錢,邊個價最平一目了然,有時更會出現本地旅遊平台無的酒店住宿官網package,而且更可從地圖直接了解酒店位置,絕對是方便訂酒店的恩物!

Google map會列出一系列酒店網及官網的價錢
Google map會列出一系列酒店網及官網的價錢

盲點2. 裝當地app搵交通路線

不同國家有不同的交通工具及路線,也有相應的交通路線app,好似日本有「乗換NAVITIME」、韓國有「Subway Korea」,但如果唔想又做Research又逐個app安裝確認路線,Google map一樣是搵交通路線的好幫手,只要輸入出發地及目的地,即會彈上不同的交通選擇,當中有晒所需時間、車費、轉車方法等基本搭車資訊,相當方便!但要留意搜尋的時間,如果夜晚11點想搵定聽朝11點的搭車路線,記得更改出發時間,否則Google map只會顯示夜晚11點的交通路線選擇,變相選擇變少甚至無車搭。Google map之偉大,甚至有網民話「而家plan行程、交通路線時間班次、住宿、搵食、景點都響Google map到搞,超方便。」

Google map也會列出不同的交通選擇
Google map也會列出不同的交通選擇

盲點3. 盲目跟從行程計劃時間

樓主指出「本身plan搭半個鐘車,去某景點睇一個鐘,但結果到站係車站或者附近睇嘢睇咗成個鐘」,很多人計劃行程也會將全日行程塞滿,車程時間也預得剛剛好,但其實中途或會發生突發情況,大家Plan行程上可預鬆少少時間作緩衝,以免趕唔到車,又或延遲到達下一個景點,就算想影相打卡也有足夠時間!

Porapak Apichodilok @pexels
Porapak Apichodilok @pexels

盲點4. 外國繁忙時間大不同

外國一樣有繁忙時段,但返工返學時間可能同香港有啲唔同,好似如倫敦地鐵繁忙時段為星期一至五早上6點半至9點及下午4點至5點,日本為平日早上7時至9時、下午5時至7時、周五晚上10時至末班車,市中心路面同樣擠塞,旅客應避開繁忙時段拖行李搭車,甚至避開Lunch time食嘢、週末紅日去樂園景點;同時如果山長水遠去某些景點或舖頭,最好瀏覽其FB或IG睇下營業時間有無任何更改。

pakutaso
pakutaso

盲點5. 優先選擇平價酒店

很多人旅遊會選擇平價酒店,將省下的錢用作景點體驗或品嚐地道美食,但疫情令旅程產生更多變數,如航班有調動甚至取消將會大大影響整個行程計劃及住宿日期!價格較平的酒店通常都未能彈性變更住宿安排,否則若真的遇上突發情況,原本想慳少少都有機會比更多錢而得不償失!疫後旅行大家寧可比貴少少,優先選擇可免費取消的酒店,萬一行程有變都可以靈活更改,令旅程自由更多。

Tranmautritam@pexels
Tranmautritam@pexels

盲點6. 優先選擇廉航或平機票

同樣道理,即使航空公司的價錢比旅行格價網貴少少,最好從航空公司官網直接訂,因為如果需要更改機票,都可以直接向航空公司更改,不用經旅行格價網咁轉折!簡單例子係早期香港快運宣布取消明年原定飛往日本的航班,航空公司會以短訊或電郵通知受影響的旅客,若所提供的航班安排不合適,可獲全額退款,但如果幫襯旅行格價網的話,就要隔一層處理了。

更多相關文章

日圓暴跌日本國內現移居潮!日女赴溫哥華打工人工倍增 「每個月旅行仍儲到50萬日圓!」

港男遊曼谷大呻因女友而食足十日芒果糯米飯「點解我仲係食緊嘅?」 網民安慰事主 推曼谷5大好味芒果糯米飯

日本開關!日本旅遊入境全攻略整合!入境資訊/機票酒店/人氣景點/行程推介/兌日圓攻略

東京自由行全攻略!東京3日2夜行程推介!必到景點/交通選擇/酒店推介/花費預算!

去日本旅遊必睇!精選5大即將開幕話題景點!東京哈利波特影城/吉卜力主題公園/兩座大型新outlet!

日本交通全攻略!事先買飛省錢省時間?東京高速巴士$105起/機場專車接送/兩大廉航限時優惠