舊年高位出貨 王祖藍掟2千萬再買白石角豪宅 過億物業揸手

近期傳出MIRROR成員姜濤以1,800萬元購入港島西名廈維壹一個662平方呎海景兩房單位,令唔少人議論紛紛。今日又有市場消息指,近年喺內地吃得開嘅王祖藍亦都再度入市,而且同姜濤一樣以個人名義置業。

消息人士指,大埔白石角海日灣一個中層3房、實用面積1362平方呎嘅單位,近期以2047萬成交,而買家姓名英文寫法與王祖藍相同,因此相信業主就係祖藍。

王祖藍
王祖藍

喺沙田長大嘅王祖藍,近年鍾情白石角一帶嘅屋苑。2015年佢就以老婆李亞男名義,購入逸瓏灣II一個頂層特色戶,成交價係1億1千萬,至今仍然持有,相信係用嚟自住。到2016年祖藍再買多個同屋苑連花園面積超過2600平方呎單位,價錢3706萬,持貨6年後到舊年以4580萬沽出,勁賺873萬。

王祖藍
王祖藍

業界認為祖藍喺舊年高位「出貨」,然後趁樓市稍為回軟時入市,而海日灣單位呎價只係15000蚊左右相當抵買,行內人認為祖藍操作手法幾高明。而王祖藍堂舅父、一度打算去年角逐特首嘅冼國林,亦喺前年放售白石角逸瓏灣一個相連戶單位連車位,作價9280萬,持貨6年賺近2千萬。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!