艾粒再爆職場欺凌 已故主持關勁松生前控訴節目被惡搞 Donald道完歉照玩

艾粒
艾粒
艾粒
艾粒

早前商台DJ Donald同少爺占組成嘅艾粒,喺演出上未經同意就拎同事余迪偉嘅溫泉出浴照開玩笑,激到迪偉出post鬧艾粒二人「性取向歧視同埋職場欺凌」。原來艾粒唔止一次拎同事開玩笑,上周因病逝世嘅樂隊AMK主音關勁松,都係苦主之一。

余迪偉曾出post鬧爆少爺占Donald
余迪偉曾出post鬧爆少爺占Donald

關勁松同另一已故香港音樂人亞里安曾經為商台文化節目《不設劃位》擔任主持,介紹電影及非主流音樂。關勁松多年前曾經提到,有次做完節目,控制員叫佢去錄音,話係少爺占同當奴叫佢錄,阿松冇乜所謂就幫手,錄嘅只係一聲「係」。後來阿松先知道原來艾粒拎呢一下「係」嚟惡搞,模仿阿松做節目講電影,仲不斷播阿松錄嗰句「係」嚟恥笑。阿松因此嬲到打去搵903台長投訴,之後Donald打電話俾阿松道歉,阿松發火鬧爆「你搵幾多?我搵幾多呀?你搵咁多仲要搞我地?」。

前商台主持 獨立音樂人關勁松病逝 舊拍檔3年前同日離世
前商台主持 獨立音樂人關勁松病逝 舊拍檔3年前同日離世

不過道歉過後,艾粒繼續用惡搞《不設劃位》嘅玩法做節目,仲前後玩足十幾年,就連早排開二十周年演出都將呢個環節搬上台。當時已經因病休養嘅關勁松再提此事,依然好好火鬧艾粒「你哋賺緊嘅,係不義之財。如今佢哋就開show,而且三場爆滿,足見支持者是非不分,一直從他們踩人頭得到歡笑」。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!