苟芸慧高呼「有人像泡沫消失」出事 激起網友聯想

前華姐冠軍苟芸慧（苟姑娘）與老公陸漢洋婚姻關係近年多被網友揣測，皆因以前二人有影皆雙，陸漢洋更曾高調大嗌「52099（我愛你苟苟）」，但近年開始陸漢洋就消失於苟姑娘嘅社交網之中，因而多次傳出二人離異。到咗尋晚（25日），苟姑娘就再次甫出單人照，本身都冇乜嘢，但係佢留言謂：「近幾個月，心情是複雜的，一些你以為一直會在的人和事突然像泡沫一樣消失了。」即引起網友熱議，紛紛估佢口中所講「消失的人」係邊個，覺得佢嘅留言好有弦外之音。