蔡少芬與老公張晉由上海突搬返香港 曾歌頌上海生活：好得沒得再好了

蔡少芬（Ada）與老公張晉日前迎來結婚15周年，蔡少芬PO出合照大放閃，寫道：「天啊！辛苦你背起我十五年。。張生。。！哈。。。今天全是驚喜，謝謝你。。我笑到嘴巴都閉不上！只要有你！就算是陰天。。我也會笑！我永遠是你的乖乖！我愛你魚魚。」蔡少芬與張晉及3名子女2021年移居上海，據悉居住於逾三千呎複式四房豪宅，張晉曾拍片公開屋內裝潢，蔡少芬與仔女於大廳玩VR，仍然有不少空間；而露台更大得可以種蔬菜，令人羨慕。蔡少芬亦曾於內地綜藝節目《送一百位女孩回家》中大讚當地生活，又以「好得沒得再好了」形容。不過，蔡少芬已於去年7月舉家由上海搬返香港。

蔡少芬表示當初諗住只喺上海留一段時間，但老公張晉工作一個接一個，而決定回港係因為掛念屋企人，加上爸爸年紀大身體差，認為用電話視像見面並唔足夠。一班網民得知消息，都紛紛留言表示唔相信：「又話上海好到無得再好既，做咩返香港」、「佢注定成世食呢行飯，面皮厚過犀牛皮」、「其實佢望到嗰個可能係天水圍」、「聽到有市民話好想回流香港」、「over咗啦，仲話係演員」等等。反觀，網民認為回流嘅首要原因係因為內地對藝人要求愈來愈嚴格，好多節目都需要經過審批。

而蔡少芬近年鮮有出演影視作品，將更多時間放於家庭之上，現時先開始活躍返。被媒體問到會否返娘家TVB拍劇時，蔡少芬指冇離開過呢行，如果TVB搵佢不妨合作一下。蔡少芬表示張晉亦因回港而推掉工作。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！