蔣家旻恨買日本樓收租

劉穎鏇(左)與蔣家旻仍未「上車」,心急買樓。
劉穎鏇(左)與蔣家旻仍未「上車」,心急買樓。

蔣家旻(Angel)與劉穎鏇等昨日為鄭裕玲主持的無綫節目《樓價有得估》錄影,仍未「上車」的Angel大呻:「依家車費又加油費又加,但人工就未加,成件事好唔合比例。(係時候要加薪?)個個都想,我今年特別發錢寒,目標係買樓。」她坦言有意在日本買樓投資:「我想買單身公寓再租出去,每個月都有收入,樓價大約幾十萬。」又稱買樓只為投資,並非用作姑婆屋。問到是否有信心嫁得出?她說:「應該有,唔會嫁唔出啩?」

已離巢無綫的鄭裕玲透露今次是添食之作:「個節目之前拍咗6集,今次拍多4集,佢哋希望我返嚟幫手拍,我當然可以啦!(你嘅最後一個節目?)唔知係咪,有適合又啱時間都會返嚟。」

只要時間許可,鄭裕玲(中)樂於返無綫拍節目。
只要時間許可,鄭裕玲(中)樂於返無綫拍節目。