薛凱琪近年驚現「網紅臉」最新圖片粉碎整容傳聞 被讚逆齡生長

薛凱琪（Fiona）參加內地綜藝節目《乘風破浪3》而人氣急升，多次登上微博熱搜。曾經話過自己塊面太圓嘅薛凱琪近年臉容變得瘦削，被指撞樣范冰冰，惹整容疑雲；不過，近日卻一下子粉碎變面傳聞。

外界近年將焦點放於薛凱琪容貌上，被指與出道時完全唔同樣。早於5月份，薛凱琪曾分享過一段唱歌短片，網民睇完短片後都直言薛凱琪變得面目全非，更誇張咁話相信連親生媽媽都認唔出佢個樣，仲表示好懷念薛凱琪以前個靚樣；即使有網民相信只係濾鏡開太重，但仍避唔開整容話題；直至早前薛凱琪以素顏出鏡分享保養心得，素顏狀態下將皮膚狀態及外貌零修飾呈現，被讚逆齡生長。

薛凱琪日前與劉戀出席宣傳直播，網民「粉絲角度」拍攝嘅照片被瘋傳，成為熱話。薛凱琪當日身穿白色Tube top上衣搭配牛仔褲，大曬香肩，配合丸子頭造更見活潑，而且其美貌再次令人噴噴稱奇，網民紛紛讚賞薛凱琪外觀年輕，睇唔出已經40歲：「滿40減20」、「姐姐生圖太能打了，在絕對美貌面前年齡只是數字」、「fifi看起來只有20」、「說個恐怖故事，她今年8月就41歲，求服用的防腐劑牌子」等等，網民又指唔明平時點解要P圖P得咁重手，睇嚟薛凱琪已經成功一下子粉碎變面傳聞。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！