雅虎香港新聞 本土農作物製蘿蔔糕年糕 網店賀年食品主打「香港食材製造」 盼延續本土農業
【Yahoo 新聞報道】如果想支持本土食品，除了選擇「香港製造」，還可以更進一步，揀選「香港食材製造」！有網店利用本土種植的蘿蔔及多款薑等農作物，出品蘿蔔糕和薑汁年糕，還有蔬菜急凍湯包等。負責人希望向香港人介紹本土農業，「畀多啲人認識原來本土係有農夫、有生產者做本地蘿蔔糕」。除了確保農夫耕作的心血不會白費，他們更希望本地農業和香港品種農作物得以延續，「如果今日已經唔做，塊田就唔會再係農地」。
記者：Carmen C.
Ben和Nicola的食物工場名為「三點水」，意指水有多種形態、千變萬化。負責人Ben受台灣人種竹筍並物盡其用所啟發，決定收集外表不完美但無腐壞的蔬果製成產品。最初的產品急凍蔬菜湯包如甘筍湯、雜菌湯和蕃茄湯，都是收集一些外表「無咁靚仔」的剩菜，切粒打成湯，讓港人品嘗本地農作物之餘，亦不用浪費農夫的心血。Ben指「好多人都係睇外表要樣嘢望落靚靚仔仔先買」，但強調有些食材即使「無咁靚仔」，「好簡單（煮）已經好好味」。
他們曾在打風天購入一堆未來得及成長便要收割的小西蘭花，「個樣好肉酸、好奀」，打爛製成西蘭花湯，有小店試過後一口氣買下全數50包。西蘭花本身長得「奀」還是肥，亦不再重要。Nicola補充，「整咗出嚟味道係好，佢哋（消費者）係會願意畀錢買。」
香港蘿蔔汁多味濃 薑辣不涸喉
他倆經常思考：「香港有無得保持返做到自給自足，本土生產、本土種植、本土人食咁樣呢？」朝著這個目標進發，他倆利用本地農作物製作蘿蔔糕及年糕。前者由「香港蘿蔔」項目的本地蘿蔔製成，Ben指香港蘿蔔汁水較多、較甜、味道較濃。Nicola就指，香港蘿蔔在採摘後翌日便會用來製作蘿蔔糕，「嗰種味道唔係大量生產出到嚟嘅味道，多一分新鮮，唔使驚佢儲存咗好耐。」
他們又混合本土農夫所種的肉薑、火薑及小黃薑等，製作薑汁年糕。Ben指這些本地薑比一般薑更辣但不涸喉，他們購入薑後先清洗再榨汁，務求用盡每一舊薑，「連榨汁機都壞咗兩部」，只為令客人嘗到最原始的本地薑味。
Ben認為，選用本地農作物不只農夫受惠，「如果無農夫，就無生產者，其實大家係唇齒相依。」Nicola補充，香港蘿蔔項目已運行數年，「起碼啲農夫知道佢哋種咗啲嘢出嚟係有人要，唔使擔心、去計算，可以放心去種。」至於消費者，亦能養成習慣，「好似日本咁，一年一度會食桃，佢哋會有個記憶到時就會食。香港蘿蔔而家都有啲似咁樣，到咁上下時間大家就會搵香港蘿蔔去食。」她亦補充，不少本地種植的農作物靠上一代甚至多代農夫的努力，留存至今，「如果唔係年年留種年年種，就要靠買外國啲種子返嚟種，數量就算唔多都要年年keep住種」。
「活在當下的可持續發展」
即使香港農業發展前境不明朗，但Nicola指他們與農夫「仍然係一年一年繼續做」。不少農夫不知會否被收地，仍然努力開墾及平整農地，希望繼續耕種，「我哋無辦法同自己講我哋唔做，而家可以做嘅就繼續做」，Ben指這種可算是港式「活在當下的可持續發展」，「有人種、有人煮、有人買，就係咁樣運作。」
Nicola希望未來與農夫合作更緊密，一同商討種植品種及數量；Ben就希望招聘更多抱共同理念的同路人，「可以自薦嚟我哋公司，同我哋一齊傻，希望我哋呢個行業可以持續到落去。」Nicola指獲不少小店、供應商、客人均一直支持，「佢哋都想成就呢件事......大家都好有愛，對未來有一定願景，先至識得分自己想要一個咩世界」。她希望更多食店或食物工場採用本地農作物，令本地農業進一步普及化及持續發展下去。
該店推出的賀年糕點反應超預期，今年元旦已提早截單，尚餘少量現貨將於週末黃埔市集發售。
【三點水料理賀年食品銷售詳情】
售賣點：黃埔大街小巷辦年貨市集
日期：2023年1月14、15、21日（周六、日）
地點：黃埔天地時尚坊MTR樓層
（如欲預先留貨，可在網址選擇「黃埔市集自取」，數量有限，售完即止）
更多綠色新聞🌍資訊，即睇「Yahoo可持續發展」專頁！
