被質疑養唔掂3個仔 張致恒爆Seed反擊:顧吓自己先

被質疑養唔掂3個仔 張致恒爆Seed反擊:顧吓自己先
被質疑養唔掂3個仔 張致恒爆Seed反擊:顧吓自己先

藝人張致恒(Steven)曾被指負債纍纍,但償還債務同時更肩負起養大3個小朋友嘅責任,而早前老婆雯雯更暗示生活難捱,令唔少網民都大感擔心。近日Steven於社交網開直播同網友傾偈,提到細仔曾因早產而健康欠佳,但現時身體狀況已好轉,佢又坦言雖然照顧3個囝囝唔容易,但認為係上天安排嘅緣分:「係一種緣分,好多人點博都博唔到個小朋友出嚟,我就唔知點解走咗3件出嚟。小朋友係我哋嘅財富,要慢慢悉心湊大佢哋。」

有網友問到會唔會再追女,曾表示有意結紮嘅佢就話起碼5年後先會考慮:「要畀老婆休息吓,呢3年佢都好辛苦,生咗3個。(有錢養咁多個?)一定要有錢先養到咁多個?邊個話有錢先可以養咁多個?」另有網友質疑佢教唔到3個小朋友,佢即爆Seed反擊:「咁都唔關你事㗎,係咪先?生3個係我嘅問題。其實擔心啲咩?不如擔心我嗰啲人顧吓自己先,連自己都未顧掂,做咩理我啲嘢?我又唔係要你幫我湊,係咪先?」

張致恒家庭生活備受關注。
張致恒家庭生活備受關注。
呢日佢開直播交代細仔身體狀況。
呢日佢開直播交代細仔身體狀況。
又回應網民。
又回應網民。
指生幾多個係佢自己嘅事。
指生幾多個係佢自己嘅事。