西環兩女桃色糾紛前傳 「齊人」片段曝光

西環「齊人」前傳連環圖。
西環「齊人」前傳連環圖。

早前西環堅彌地城海旁,兩女因感情問題爭吵,繼而動武,期間有人出動「鉸剪腳」,最終兩人俱涉「在公眾地方打鬥」被捕。數日後網上流傳一段2分43秒影片,地點為西區卑路乍街近益豐花園對開行人路,片中一男子手拖兩女子攤牌,有網民指片段疑似三角關係前傳。

據悉,涉事兩女分別為正室及二奶,疑為「齊人」男子,當時左手拖住二奶,右手則拖住正室,站在兩女中間,神情無奈、尷尬,正室的親屬站在一旁拍片。影片開首眾人沉默不語,間中丈夫與二奶細聲說話,正室拿出手機撥弄。其後「齊人」向親屬說「你哋返去先啦」,親屬回應「你都知道要返工」;另一親屬則說「你覺得佢可以放心返去咩」。

其後,二奶與親屬說了幾句話後,正室突向二奶說「妳唔好煩住我兩公婆啦」,並拉著丈夫說要回家,更拉開二奶握住丈夫的雙手「佢要走啦」,二奶不捨地從後追趕說「唔好走,你唔好走」,她追上並雙手握「齊人」,「齊人」向二奶說「妳返去休息啦,妳要講都講咗啦」,正室見二奶死纏丈夫,便向二奶說「你哋嘅關係完咗喇,佢要離開啲情慾」,二奶不忿地回應「妳又知」,更向「齊人」撒嬌「唔好走!」,親屬在旁看不過眼說「姣到咁嘅!」,影片亦告結束。

二奶(右)含情脈脈地望向丈夫(中)。
二奶(右)含情脈脈地望向丈夫(中)。
正室(中)拉著丈夫(左)回家。
正室(中)拉著丈夫(左)回家。
二奶(右)不捨追上拖著丈夫(中)。
二奶(右)不捨追上拖著丈夫(中)。
早前西環兩名女子在地上扭作一團,多名街坊合力分開二人。
早前西環兩名女子在地上扭作一團,多名街坊合力分開二人。