雅虎香港新聞 周末好去處丨本地狗狗活動藝術節10月西環登場！原創人狗互動裝置展覽＋聲音作品＋《遇於犬丘》率先本周六試演！
（圖：新視野藝術節2022）
對於每於狗狗主人嚟講，每逢假日就想搵活動同狗狗周圍去周圍玩，今日介紹呢個活動可以帶狗狗去草地上奔跑，主人亦可以參與藝術節同睇Show呢！10月尾於西環中山紀念公園就有一個名為「新視野藝術節2022」，為一個人狗共融活動，草地上有多個藝術裝置，而且都係寓意跨種族平等，例如狗狗耳中嘅城市、裝拆隨你嘅鐵籠、意義可變嘅大手、用鼻子投票、同呼吸同心跳等多樣裝置展覽。
（圖：新視野藝術節2022）
《遇於犬丘》率先本周六試演
創作者全部來自本地多間大專院校，唔單止可以睇，仲係可以互動，透過其他感官例如聲音等，希望可以令參與者有多一層反思。下午睇展覽兼可以同狗狗享受公園空間，等到晚上就會有一場名為《遇於犬丘》嘅跨媒體演出，同樣由大專學生創作，以原創音樂配合光影，大家可以同狗狗一齊感受呢。其實《遇於犬丘》更會率先於本周9月17日於西九文化區藝術園試演，由下午3點開始至6:15， 一共5場！
（圖：新視野藝術節2022）
按此下載全新Yahoo APP，緊貼城中好去處、Staycation攻略、行山路線、野餐地點推介，仲有新人禮等你拎，立即下載！
新視野藝術節2022
日期：10月28日至30日
時間：下午2時至5時（《遇於犬丘》為晚上7：15至8：15）
地點：中山紀念公園草坪
相關文章：
Glamping香港｜懶人露營9大推介！最新海邊露營場/人氣露營車/元朗帆船營/觀星圓拱屋！包活動體驗/水上活動/BBQ套餐
室內好去處｜6大Team Building 活動推介！迷宮鐳射槍對戰/LARP劇本殺/彈床樂園！
