見林德信嗒晒糖 伍詠薇試菜其次 「品仔」最實際

伍詠薇昨日為無綫煮食節目擔任嘉賓，出名鍾意𥄫靚仔的她，對型男林德信嗒晒糖，大讚對方靚仔又溫柔，笑言試菜只是頭盤，「品仔」才是主菜。

女星伍詠薇（伍姑娘）、周汶錡、型男林德信（Alex）、伍允龍、李創偉與「聲夢學員」張馳豪等，昨日到將軍澳電視城擔任鄭裕玲與王菀之主持的無綫節目《男神廚房》嘉賓。伍姑娘甫見Alex即兩眼發光，大讚對方靚仔、溫柔又懂得下廚，期待他在節目中表演瑜伽，她說：「佢嘅『配套』咁好，一定好多女粉絲，絕對係筍盤！佢煮嘢真係唔難食，加上靚仔有型，當然會加分。」

唔使用氧氣筒

伍姑娘笑言今次試菜只是其次，「品仔」才最實際：「今次就唔使用氧氣筒，我已經去到另一個層次，同埋呢啲都係節目效果嚟啫。（會唔會幫手煮？）我都唔識煮嘢嘅，之前上《美女廚房》，我簡直係地獄中嘅地獄廚神，破晒地獄呀！」

Alex預告炮製鹹魚白菜及慢煮梅菜三文魚，是經常煮的拿手菜式：「今次煮嘢食係有啲壓力嘅，平時喺屋企靜靜哋一個人煮，但係今次有咁多嘉賓，又有評判睇住係會有啲緊張，其實最難係掌握分量。」他坦言以往甚少為女友下廚，但試過要煮給7、8個女仔吃，最後選擇較容易掌握分量的BBQ烹調方式。