親熱戲任睇嗌怕醜 江嘉敏狂咀周嘉洛 多到唔記得

無綫劇《新四十二章》前晚大結局，全體演員移師到商場跟觀眾齊齊睇，是近3年的首次。結局篇江嘉敏與周嘉洛大團圓，還附上咀戲糖花，不過嘉敏笑言跟數百人一齊看她咀戲，大感怕醜。

前晚《新四十二章》全體演員包括陳豪、龔嘉欣、周嘉洛、江嘉敏、譚凱琪和鄭子誠等現身油塘商場舉行的「大結局齊齊睇」，場內招呼200名粉絲，場外亦有數百路人圍觀，鄭子誠更獲女粉絲送花。

嘉敏與嘉洛大團圓結局，結尾還有咀戲，她笑言與數百現場觀眾一齊看感怕醜：「我哋差啲唔記得有呢場戲，因為係好開頭時拍，我角色好鍾意嘉洛，追佢好耐，大家經歷生離死別，24集喇！終於畀我感動到佢。」她稱咀戲分3個角度拍攝，已不記得咀了多少次，嘉洛就對掌摑嘉敏大表興奮，笑言每次睇都好開心，腎上腺飆升。

陳豪旅行過二人世界

陳豪表示很久未試過與觀眾一齊看大結局，疫情以來嚴守口罩令的他，終於脫罩，不過他笑言早前已解除瞓覺口罩令，子女表示開心，自撤銷口罩令後，他仍會在人多地方繼續戴口罩。他又透露將兌現與老婆陳茵媺的承諾，計劃二人世界去旅行甜蜜慶生，問會否兩個去3個返？他笑說：「唔會啦！3個夠啦！」

龔嘉欣和譚凱琪（Zoie）老友鬼鬼，Zoie懂日文可與嘉欣的日籍緋聞男友松岡哲也交流，直言會幫眼，為嘉欣找個愛錫她的好男人。嘉欣稱緋聞男友有看其作品，雖然他聽不明廣東話，也覺得好笑，直言若將來結婚，會向有家庭的陳凱琳和Zoie問意見。另外，結局中驚現彩蛋，歌手王灝兒（JW）以譚凱琪妹妹身份首度現身，一出場即要落淚演出，事緣監製很喜歡聽JW的歌，原本想請JW演長平公主，希望下次再有機會合作！