許鞍華搵女主角 貪馬賽「唔太靚」

導演許鞍華、洪金寶及袁和平日前受訪大談拍攝電影《七人樂隊》的點滴，該片由7個單元組成，許鞍華的單元搵了吳鎮宇及馬賽主演，談到鎮宇，她笑言欠了對方：「我次次搵親佢都係拍單元，但唔係特登㗎！」她指今次找他演正經八百的「校長」一角，竟因這個角色不太適合鎮宇，她說：「之前我搵佢拍過短片《我的路》演一個變性人，同佢嘅形象係好唔同，但咁樣先有個化學作用，今次演好嚴肅正經嘅校長角色，亦同鎮宇好有活力嘅形象唔同，佢去演會令角色冇咁沉悶，所以呢個角色非佢莫屬。」

至於女主角馬賽，許鞍華很老實地指全因對方「唔太靚」：「因為我拍60年代，我覺得佢好適合，好有60年代嘅味道，佢唔係標準靚樣，亦冇整容臉，加上佢嘅骨架細，着起旗袍會好好睇，所以就搵佢。」原本導演吳宇森有份拍攝該片，但因身體原因而告吹，對於電影今天上映，他都有特別拍攝短片祝賀。