走出楊思琦情傷陰霾!李泳豪宣布與拍拖2年台灣女友結婚

走出楊思琦情傷陰霾!李泳豪宣布與拍拖2年台灣女友結婚
走出楊思琦情傷陰霾!李泳豪宣布與拍拖2年台灣女友結婚

現年40歲的藝人李泳豪與舊愛楊思琦相戀9年,以為可以開花結果,怎料女方背他搭上跳水運動員吳帥,之後更被爆未婚生女,受盡情傷的他一直單身,全副精神放在工作上,除了演出處境劇《愛.回家》外,多年來非常爭氣,開設多間餐廳進軍飲食界。直至兩年前才遇到真命天女台灣女友Agnes,令他對愛情重拾信心,終於在與楊思琦分手11年後,宣布與女友結婚,實在可喜可賀。

李泳豪接受東網訪問時,直認與女友一早有結婚計劃,近日決定入紙申請結婚,他並開心分享喜悅心情:他說:「之前嘅事始終會有影響,有時諗嘢會負面咗,女友個人就好正面畀到自己正能量,同埋女友係寵物美容師,本身做嘢好勤力,性格好腳踏實地,真係好值得欣賞,最重要女友畀到我好實在感覺,思想成熟,大家相處得好舒服。」

李泳豪同台灣女友Agnes入紙結婚,二人非常登對。
李泳豪同台灣女友Agnes入紙結婚,二人非常登對。
正式走出楊思琦嘅陰霾!
正式走出楊思琦嘅陰霾!

豪仔自言當初告訴父親李家鼎要結婚時,鼎爺反應非常高興,他明白父親一直擔心自己走不出陰霾,被愛情嚇怕終身不娶,而Agnes與未來老爺亦很投緣。最令豪仔感動身邊很多朋友知道喜訊後,紛紛送上祝福。他說:「好似入紙咗幾日,係公司撞到豹哥(單立文),佢好肉緊拉住我話,如果啱就快啲拉埋天窗,畀番個女仔名分,我話已經入咗紙,佢聽完即刻好興奮..不停咁恭喜我,真係好開心有咁多人關心自己。」

問到他是否已放低與楊思琦的舊情,展開人生新一頁,他很正式地說:「我明白好多愛我嘅人,怕我真係走唔番出嚟,始於呢個經歷唔係一般人可以接受到,但我想話畀大家聽,其實我已經放低咗,只係等緊一個對嘅人出現,依家就畀我遇到。」他透露婚禮正在安排中,因疫情要顧及不少問題,不過一定會大宴親朋,他更不諱言希望盡快造人成功。因為很喜歡小朋友,好想快些做爸爸。

李泳豪多謝未婚妻帶來正能量。
李泳豪多謝未婚妻帶來正能量。
一早放低咗楊思琦,依家終於搵到對的人。
一早放低咗楊思琦,依家終於搵到對的人。
未婚妻早融入家中。
未婚妻早融入家中。
恭喜晒!
恭喜晒!