雅虎香港新聞 
趙希洛07年選港姐五強止步 現躋身無綫小花
現年35歲的趙希洛，自小與家人移居澳洲，在英國進修法商科，進修碩士時回港以原名「趙嘉迪」參選07年度香港小姐，雖然五強止步，但翌年加入無綫藝訓班之後才晋身成為TVB藝員⋯⋯
撰文：東方新地｜圖片：新傳媒圖片庫、趙希洛IG
延伸閱讀：
趙希洛御用癲婆爆出
趙希洛08年加入無綫藝訓班後，晋身成為TVB藝員，不過大都被派演閒角，由於經常演精神病人，有無綫「御用癲婆」之稱，直至近年多部劇集演出被網民追捧成功上位。
趙希洛在新劇《棟仁的時光》演巴辣刻薄上司，但原來角色身世坎坷，家住公屋，有個自閉細佬，趙希洛演出收放自如被網民激讚，成為劇中最搶人物。
不過趙希洛家底豐厚，父親趙崇康是大律師出身，在澳洲經營石油生意、與多間國企有生意往來，在港亦有不少鋪位及物業收租。媽媽是前無綫藝員梁小玲，同屆藝訓班同學有李司棋、黃淑儀、盧大偉同黃韻詩，仲係當年《歡樂今宵》台柱之一。
而趙希洛與父母及胞妹Katrina更在父親安排下開設多間投資公司，12年已經以公司名義，以6千萬購入半山梅道嘉富麗苑一個近3千呎單位，物業現時市值已超過8千萬，名符其實隱形富豪。
日前，趙希洛到寓所附近跑步放狗，一身透視裝加短褲非常養眼。跑到熱辣辣，趙希洛突然攞出橡筋紮頭髮。
跑了一圈，趙希洛同愛狗一齊做熱身，見佢企埋石壆做拉筋近20分鐘，唔知係咪怕悶關係，期間更邊做邊講電話。
另一日，趙希洛揸車去九龍城街市買餸，唔怕污糟在街市穿梭買完牛肉又去魚檔揀魚，攞住幾袋餸再揸車返家，生活相當貼地。
15位大台富貴兵團 個個有樣更有米！
傳魏焌皓疑鹹豬嘴麥明詩被TVB解約 │重溫娛圈八大鹹豬手事件！
曾華倩囝囝代表港隊出賽 19歲Martin仲高過袁文傑
袁偉豪那些年參加過《YES!》校草選舉 原來黃宗澤都選過⋯
賴慰玲獲秋生封「小鄭裕玲」｜原來教過前輩做戲⋯
延伸閱讀：
