車Cam直擊:「綿羊仔」疑燈位跣腳畀錯油 直撼前方私家車

【on.cc東網專訊】馬路如虎口,稍有不慎或致人財兩失!有駕駛者昨晚(9日)在Facebook群組「車cam L(香港群組)」上載一段車cam影片,片中錄有一名駕駛「綿羊仔」的電單車司機於候燈期間,疑停車失平衡跣腳,更在慌亂中誤畀油加速,以致連人帶車撞向前方的私家車,幸兩車相距不遠,未有造成嚴重傷亡。惟雖則「人冇事」,荷包卻隨時有機會穿窿,有網民留言指,「未學行先學賠」、「自動申請撞車賠錢,呢條友原來係學神嚟嘅」。

片中可見,除了駕駛「綿羊仔」的事主失控撞向私家車外,有眼利網民亦留意到後方鐵騎同屬「馬路炸彈」,心急上前查察的同時並未先熄火才落車,險重蹈「綿羊仔」覆轍,引網民直斥,「後面果個都唔係好得去邊,未熄匙就雙手扶軚落車,容乜易即場重演前車嘅失誤」。雖然「關心則亂」情有可原,但無論如何,為己為人揸車都要提起萬二分精神,小心駕駛啊!

【更多即時新聞詳情請上東網新聞