農夫簽約內地公司重開微博 陸永︰咁你就知我又等錢洗了

陸永同C君組成嘅農夫，原來唔覺唔覺都組成20年。2位成員近年致力喺電視圈發展，C君直情做埋TVB嘅J2台創意總監，對上一首以農夫身份推出嘅單曲已經係2018年嘅《難得咁人齊》。

農夫前日喺塵封多時嘅微博帳號，宣布加盟內地網絡商騰訊有份嘅樂騰演藝，並且以簡體字出post「好耐冇见既老友，我们回来了！」，然後佢地又出post話「如果你想我地开show 去边开好？」。Rap開廣東話，當然唔少廣州fans都「敲碗」求見面。而C君都重開3年幾冇出post嘅個人微博帳戶發文話「农夫终于有内地经纪人喇！嗰啲话好挂住我地，咩对上一次见仲系单身而家已经仔都生埋嗰啲，你大镬喇，有@乐腾演艺 ，嚟紧会经常见，见到你话“我见你仲多过见我老豆”」。

之前農夫開過個名為《農夫等錢洗演唱會》，喺樂壇「久休復出」嘅陸永回應網民時抵死咁話「咁你就知我又等錢洗了」，又喺另一個post揭開5年冇上微博嘅原因，就係唔記得登入密碼。

C君之前曾經表示答應過歌迷要出20首歌，本來今年3月會有20週年新歌發佈會，但最終可能因為疫情而冇下文。

是日精選

日前悼英女王被狠批 羅家英今微博拍片致歉：我永遠愛我的祖國

網民出PO指森美寸嘴扮大佬恰下屬惹熱討 網民同感：恃老賣老

古惑仔男神20年婚姻情變！崩潰認了

Angelababy遭友人出賣 玩狼人殺老練扯煙被偷拍

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！