通靈之王|功夫小子景峰被淘汰 網民覺得好合理:功夫都可以通靈

《通靈之王》功夫小子景峰
《通靈之王》功夫小子景峰

TVB通靈選秀節目《通靈之王》充滿追看性及話題性,成功吸引網民熱烈討論。節目由梁思浩帶領靚女新人王嘉慧(Cathy)及伍韻婷(Juliana)擔任主持,並搵嚟多位玄學家為節目提供中西玄學相關專業知識,並搵嚟15名參賽者參加通靈比賽,當中包括錢小豪及郭秀雲嘅兒子「功夫小子」龐景峰,不過佢喺噚晚(20日)最新嗰集已經被淘汰。

31歲嘅龐景峰,出生於武術世家,曾參與唔少武術電影。佢喺節目中聲稱可以靠功夫感應靈界,透過打出功夫請示「地仙」。景峰每次出場都有驚喜,好似早前佢已經估出暗藏喺地氈底嘅紙上號碼,去到噚晚佢運用花槍估邊位係公認嫁得好嘅女士,點知佢打出功夫後直指4號女士為幸福女生,感覺非常兒戲,連嗰位「4號女士」喺事後訪問都話覺得佢係亂指。之後,節目安排參賽者道出素人Quin嘅坎坷情路經歷,景峰就話Quin係早婚,亦係一段錯嘅婚姻,同時佢喺冇幾耐之前同另一半已經離婚或分手。而Quin亦覺得佢係最唔準嘅一位,同時連Quin戴戒指都冇為意,連基本嘅觀察力都不足,最後景峰更被淘汰。

節目播出後,唔少網民都認為佢好流及被淘汰係正確,留言話「好明顯冇咩料到」、「我覺得foul 景峰十分合理,佢根本亂咁指,只係好彩估中,20%機率估中唔出奇,思浩都焗住要俾分佢。悟能係通靈嘅北帝唔擅長姻緣事項,我接受佢解釋,畢竟佢入十強時真係有料通到靈。景峰入十強時估數目字都易估,通靈程度成疑。思浩都一早睇出佢冇料,所以句句都明讚暗寸。」、「白卡小子終於走」、「功夫仔感覺真係好流」、「功夫小子係咪嚟搞笑架?」、「功夫小子勁爆笑,冇咗佢,喜劇感爭咗啲,Depp真係好勁,改姓都講中」、「功夫通靈真係好冇feel」、「九唔搭八 少林功夫加唱歌」、「佢都好九唔搭八,似登腳陪跑」、「功夫都可以通靈 跳舞沖涼跑步食飯都可以通靈」、「景峰睇到好尷尬」及「呢個假咗啲喎」等等。

《通靈之王》截圖
《通靈之王》截圖
《通靈之王》截圖
《通靈之王》截圖
《通靈之王》截圖
《通靈之王》截圖
《通靈之王》截圖
《通靈之王》截圖
《通靈之王》截圖
《通靈之王》截圖
《通靈之王》截圖
《通靈之王》截圖
《通靈之王》截圖
《通靈之王》截圖
《通靈之王》截圖
《通靈之王》截圖
《通靈之王》截圖
《通靈之王》截圖
《通靈之王》截圖
《通靈之王》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!