速遞員手推車「義載」跌倒伯伯 目擊街坊：好感動 順豐：期望事件感染更多人幫助有需要人士

【Yahoo 新聞報道】一輛手推車不止可以載貨，亦是幫助老弱的工具。有屯門街坊昨日（9月15日）見到一位順豐速遞員，用手推車「義載」一名跌倒受傷的伯伯。街坊其後將經歷分享至Facebook專頁「屯門友」，帖文短短一日便獲逾萬個讚好。順豐香港表示會按獎勵機制嘉許員工，希望該名速遞員樂於助人的表現可感染更多人。

事發在屯順街和屯匯街交界，目擊事件的街坊關小姐接受《Yahoo新聞》訪問時憶述，昨早11時接小孩放學時，遇到一位順豐速遞員用手推車載住一位伯伯，另一隻手拿著大型膠箱，「佢（速遞員）準備過條馬路，我見佢企咗好耐，我諗可能要幫手。」她其後主動上前表示可以協助拿膠箱，但被速遞員婉拒。

「佢真係好好咁推咗成段路」

速遞員當時透露，伯伯因為跌倒不良於行，膝頭亦纏著繃帶，但要趕往政府合署辦事，「我略略聽到佢要去社會福利署整啲嘢，去嗰座大樓入面，今日一定要去，唔去唔得喇。」

關小姐續指，當時順豐速遞員推了一段路後，將膠箱交給另一位同事，並交代自己要送伯伯前往政府合署。她說，那段路有些凹凸不平，又要過幾個停車場，見到速遞員推得很吃力，「我好感動，就算伯伯跌倒，而且佢做緊嘢喎，但係佢真係好好咁推咗成段路。」

她說，很多時大家生活和工作忙碌，未必抽時間幫助他人，「好老實，如果我當時趕住湊小朋友放學，我真係未必帶到佢去到門口，或者停低幫一幫。」她稱讚該位速遞員的善良舉動，「好多謝佢喺咁繁忙時間，抽一段時間去幫伯伯，其實佢真係好熱心，真係未必咁多人會咁做囉。」

順豐：冀感染更多人互助互愛

順豐香港回覆《Yahoo新聞》指，公司會按獎勵機制，嘉許在不同範疇表現值得表揚的員工，希望該名速遞員樂於助人的表現，可感染更多人發揮互助互愛精神幫助社會有需要人士。公司會一如既往，和員工一起繼續做好物流服務之餘，積極回饋社會。