造型難得邋遢兼少布 Anson Lo首執導筒要人教

東方日報
造型向來密實的Anson Lo，今次難得「露兩手」。
造型向來密實的Anson Lo，今次難得「露兩手」。

男團MIRROR成員Anson Lo為新歌MV打造全新形象，化身肌肉男大晒麒麟臂，上演連串打鬥場面，首次執導筒的他直言經歷了一場驚慌的體驗！

Anson Lo為全新跳唱歌《King Kong》首次執導拍MV，靈感來自《移動迷宮》系列電影，他坦言執導要兼顧的事太多，超出他預期：「係好驚慌嘅經歷，因為好多嘢都唔識，要人哋教我點去做稱職嘅導演。」MV畫面要配合虛擬背景，在現場同步處理拍攝，雖然過程困難重重，但體驗非常特別，他說：「可以用到啲喺香港現實生活中未必有嘅場景，當自己喺不存在嘅未知世界進行故事情節。」

連踩40小時 打到趴地

今次拍攝時間打破他過去所有個人MV，共用了近40小時，他說：「以往一個MV最多20幾個鐘搞掂，今次差不多要Double時間，亦係最攰嘅一次，因為開拍前拍緊劇，跟住連續兩日拍MV，中間又要出活動，拍完MV又拍劇，結果咁多日只係瞓咗3個鐘，係一個破紀錄嘅MV！」

他表示造型上挑戰自己愛美的標準，不再青靚白淨：「今次造型係自己史上最污糟邋遢、最不修邊幅，對我嚟講係好大挑戰。因為我通常着長袖，得兩層Layer算少，希望畀到大家唔同感覺。」MV中他又親身上陣拍攝拳拳到肉的打鬥場面，他說：「入面有好多武打場口，我冇拍過呢啲動作，雖然喺電影《假冒女團》學咗啲功夫、踢腿，但今次打鬥有啲招數未試過，例如趴地畀人拉去後面。」

Anson Lo除了要跳唱及執導外，還要練身手拍打鬥戲。
Anson Lo除了要跳唱及執導外，還要練身手拍打鬥戲。