造星4女團COLLAR正式出道 So Ching/Ivy So/芯駖/WINKA/Candy成功入選

直播截圖
直播截圖

ViuTV選秀真人騷《全民造星IV》總決賽喺上月25日舉行,由邱彥筒(Marf)、沈貞巧(Gao)及許軼(Day)分別奪得冠、亞、季軍,直接奪得女團席位。早兩日,ViuTV發佈女團最新消息,上載寫有「HOLD YOUR BREATH」嘅黑底橙字照片,及發布多段成員身體部位拍攝而成嘅片段,指今日下午6時半舉行出道記者會,到時就會公開其他女團成員及女團名稱。

喺今日記者會上,女團名稱及成員終於揭盅,真係同之前流出嘅資料一樣叫「COLLAR」,而女團人數為8人。咁除咗Marf、Gao和Day之外,仲有邊幾位成員會加入女團呢?佢哋就係王家晴(Candy)、蘇雅琳(Ivy So)、陳泳伽(Winka)、李芯駖(芯駖)及蘇芷晴(So Ching),成員們一出場就現場表演首支派台歌《Call My Name!》,歌曲亦已經登陸各大音樂平台,而MV將於明日發布。另外,記者會上亦同時宣布COLLAR官方社交網站,並叫大家快啲follow,成員們將會喺今晚11點於官方IG進行直播同粉絲見面。

之後,司儀強尼就叫18日成軍嘅「COLLAR」出場,逐一分享大家嘅感受,當中Marf得知芯駖係成員之一,更加當場大喊。記者會上更即將宣布佢哋將會舉行「CALL for COLLAR Live 2022 」,相信唔少網民都會非常期待及興奮。最後,成員們與魯生拍攝大合照。

直播截圖
直播截圖
直播截圖
直播截圖
直播截圖
直播截圖
直播截圖
直播截圖
直播截圖
直播截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!