郭思琳追前度7位數

歌手吳浩康(Deep)早前被傳搭上33C「格鬥女神」郭思琳,昨日女方在社交網發文向前男友Chester追債:「畀佢拖咗我4年半感情,我不再接受佢一拖再拖,佢就扮慘,之後成日已讀不回。當初邊個主動承諾會6月底還錢?邊個懶型喺人哋面前大大聲話會出面借錢還我條數?依家呢?一毛錢都無還過喎,承諾?」

記者聯絡郭思琳,她承認追前度債:「數目有7位數,爭我錢嗰個係已經分開咗一段時間嘅前度。我經濟獨立,亦有儲錢,唔需要Deep經濟上幫忙。我同Deep有見面,其他嘢唔多講喇。(採取法律行動?)考慮中,因為前度已違約及多次反口,無奈下惟有公開追數。」再問會否考慮跟Deep發展?她說:「依家淨係想盡快搞掂咗啲錢先。」