鄧智堅《下流上車族》演林敏驄老友 被發現一晚踩三劇 曾被姜濤及BTS粉絲嫌棄?

鄧智堅《下流上車族》演林敏驄老友 被發現一晚踩三劇 曾被姜濤及BTS粉絲嫌棄?
鄧智堅《下流上車族》演林敏驄老友 被發現一晚踩三劇 曾被姜濤及BTS粉絲嫌棄?

TVB台慶劇《下流上車族》進入結局週,播出以來憑貼地題材惹觀眾共鳴,加上林敏驄、鮑起靜、江美儀等好戲之人,令劇集廣受好評。當中,40歲鄧智堅於劇中除咗係車志明(林敏驄飾)老友,更係29歲關偉力(關曜儁飾)爸爸,二人僅相差11歲,鄧智堅特意扮老演繹爸爸角色,豪無唯和感。

除咗《下流上車族》,有網民發現於TVB晚上播出嘅3套劇集都有鄧智堅嘅身影,包括:《愛•回家之開心速遞》、《下流上車族》及早前播映完畢嘅《美麗戰場》,實行「一晚連踩三劇」,3套劇均以不同角色性格及造型亮相,分別被觀眾大讚演繹得相當生動。鄧智堅18歲已參加沙田話劇團戲劇班,中五畢業後為追夢報考香港演藝學院,礙於未達五科合格入讀要求,故憑一封自薦信及中學戲劇學會老師、沙田話劇團寫信推薦,獲香港演藝學院破例取錄;及後又增值自己,考取藝術(榮譽)學士表演系深造文憑及藝術(榮譽)學士表演系專業文憑。

鄧智堅2008年擔任PIP劇場全職演員,自編自導自演作品逾80部。鄧智堅之所以成為喜劇演員,係基於身高問題限制,難於配搭合適嘅女演員,於是佢就於入行初期嘗試面試反差較大嘅角色,以發掘到喜劇演員呢條路。鄧智堅亦係一名戲劇導師,開辦多個戲劇工作坊;又於2018年擔任TVB藝員訓練班導師,其學生包括周秀娜、Super Girls、陳嘉寶、周志文、戴祖儀和施匡翹等等。而今年,鄧智堅更擔任J2台節目《就算得你一個觀眾》監製獲觀眾讚賞。

不過,鄧智堅過往就曾惹起姜濤粉絲不滿;鄧智堅曾於「超級綜藝隆重登場」記者會上以金假髮造型扮成「薑蓉」,又唱出《蒙着嘴說愛你》,疑似影射MIRROR成員姜濤,惹起姜濤粉絲不滿,直罵詆毁姜濤,直至Bob林盛斌與馮盈盈分別發文向姜濤致歉才平息事件。被問到會否再扮姜濤,鄧智堅就認為二次創作或扮嘢係香港流行文化,佢覺得扮歌手應該仲會有扮嘅可能性。果真,鄧智堅依然唔怕死,於《開心大綜藝》中與何遠東、張翼東、吳佩隆、郭子豪及李頊珩變妝扮演BTS,但就再次被BTS粉絲嫌棄。

鄧智堅
鄧智堅
《下流上車族》劇照
《下流上車族》劇照
《下流上車族》劇照
《下流上車族》劇照
「超級綜藝隆重登場」記者會 截圖
「超級綜藝隆重登場」記者會 截圖
鄧智堅
鄧智堅
鄧智堅
鄧智堅
鄧智堅
鄧智堅
鄧智堅
鄧智堅
鄧智堅
鄧智堅
鄧智堅
鄧智堅

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!