鄧麗欣憑《男排女將》新加坡奪香港最佳女主角 年底與李是英／宋軼等爭終極視后

新加坡「亞洲學院創意獎」（Asian Academy Creative Awards）日前公佈今屆入圍名單，ViuTV一共入圍五項大獎，鄧麗欣（Stephy）憑青春熱血劇《男排女將》入圍角逐最佳女主角，而對手包括南韓《Sweet Home》 李是英、日本《全裸監督2》智森田望、以及中國《贅婿》宋軼等等。

亞洲學院創意獎係喺亞洲各個地區中選出各個項目嘅冠軍，然後喺今年12月舉行嘅總決賽中代表該區去角逐大獎。香港今年成功入圍多個大獎，而ViuTV一共入圍五項大獎，包括《男排女將》鄧麗欣成為香港區最佳女主角、《調教你MIRROR》成為香港區最佳一般綜藝、遊戲或比賽節目、《太平紋身店》成為香港區最佳戲劇節目、《STEM精讀班》香港區最佳兒童節目、及《當遊客不存在》成為香港區最佳資訊節目，而TVB就捧蛋，未有節目成功入圍。

睇返入圍名單，今屆最威威嘅一定係Netflix，喺唔少項目中得到該區冠軍，例如《全裸監督2》山田孝之（日本最佳男主角）、《Sweet Home》李到晛（南韓最佳男配角）及《Move to Heaven：我是遺物整理師》（南韓最佳戲劇節目）等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！