《金宵大廈》春麗look勁搶眼 張韋怡現實中係闊太兼生意人

張韋怡

今個星期首播嘅《金宵大廈》以奇幻懸疑做題材,首集播出後大獲好評,劇情緊湊及各人形象鮮明。估唔到第一集成為焦點嘅竟然係喺金宵大廈入做「一樓一鳳」,著到成個春麗咁嘅張韋怡(Gogo)。佢一出場即成焦點,相信大部分觀眾對佢都好陌生,現年35歲嘅Gogo喺2007年參加香港小姐,落選後入讀無綫藝員訓練班。咁多年嚟佢唔係做宮女、店員就係做文員,好多甚至連名都冇嘅角色。

《金宵大廈》截圖
《金宵大廈》截圖
張韋怡
張韋怡

你以為張韋怡只係默默耕耘嘅女藝人,咁你就錯啦!被視為「御用宮女」嘅佢,現實中嘅佢係一名闊太,老公Michael喺新界擁有三百幅地皮,佢哋一家三口住喺九龍塘嘅別墅連花園和天台單位,仲有5個菲傭,係名副其實幸福少奶奶。

佢老公早前仲投資八位數字,俾佢喺尖沙咀開設錶行做鐘錶生意,及內地經營公關公司。Gogo除咗照顧家人及打理生意之外,佢仲要喺北京修讀工商管理碩士課程,同埋繼續喺無綫拍劇,真係一個女強人。

張韋怡
張韋怡
張韋怡
張韋怡
張韋怡
張韋怡