鎮台「搖錢樹」 同ERROR一樣做到冇停手

MIRROR人氣爆燈,吸金力強。
MIRROR人氣爆燈,吸金力強。

男團MIRROR及ERROR被視為ViuTV「台柱」,成為該台最吸金藝人,難怪兩隊食住人氣被「榨乾榨淨」工作。MIRROR的12位成員整年無間斷工作,拍劇、拍電影又拍廣告,5月剛完成6場演唱會後,繼續應付連串宣傳工作,日前又宣布7、8月暑假檔期每星期都會推出1首單曲,如今更被委派參與公司的運動會,也要抽時間練習不同項目。

肥仔爆193保錡為錢嘈交

ERROR同樣是大忙人,4子主打綜藝節目的演出,更是廣告及品牌界的搶手貨,肥仔日前才跟《造星III》的黃劍文及主持強尼開Live,肥仔笑言當日參加《全民造星》純為100萬獎金而來,又承認與隊友曾經嘈交,他說:「都係錢作怪!保錡、193好緊張數字,咩都數字行先,見到收看率低就會覺得浪費時間,努力做完冇人睇,其實都係顯示我哋好認真嘅一面。」

肥仔(右)日前與強尼開Live。
肥仔(右)日前與強尼開Live。