「鏡仔」成功背後 捱餓冇覺好瞓

人氣爆燈的MIRROR表面確實風光,成為圈中吸金王,橫掃衣食住行各大品牌的廣告逾100個,但成功背後有不為人知的辛酸史!他們經常捱餓、通宵開工冇覺好瞓,據知,12位「鏡仔」頻頻做訪問,連踩9、10個鐘視作平常,完全沒有食飯時間。如果要影相、拍廣告或做騷,他們即「饑民」上身,為求上鏡要型要靚,絕不吃致肥的澱粉質食物,甚至會全日斷食!

當中以姜濤與Anson Lo自我要求最嚴謹,前者因為「肥底」,為食的他為抑制食欲,試過崩潰後一發不可收拾,喪食4包薯片宣洩。而Anson Lo因為貪靚,即使肚餓到暈,仍堅持一口麵包都不落肚。