【長沙灣美食】廢青鹹魚翻生!前宵夜店廚師車房竇開追夢串燒店

自嘲曾是個廢青的阿Deep,今日已找到自己的理想。
自嘲曾是個廢青的阿Deep,今日已找到自己的理想。

人沒有夢,和鹹魚有甚麼分別?他,曾經是個廢青。書讀不成、工做不長。人生目標,不知蹤影。浮浮沉沉間,卻因一次霎氣,憤而轉職,才發現,原來天生我才是入廚。乃全情投入,從零開始,建立自己的事業。去年更跳出安全區,當起老闆,開串燒店,在強手環伺中,殺出血路。昔日他人眼中的鹹魚,今天翻生,在熊熊爐火前,活出自信的生命。

【立即讚好】全新 Yahoo Food Facebook 專頁

站在爐火前,自信立即返晒嚟!
站在爐火前,自信立即返晒嚟!

店很小,枱三數張,牆上除了餐牌,還貼了漫畫扉頁,和一架架的高達模型。
「我同拍檔都係模型發燒友,呢啲都係我哋嘅收藏,個個男仔都鍾意架啦!」一個戴軍帽穿迷彩衣軍Boot的男子說。 他叫談家和,洋名阿Deep,35歲,是店子老闆之一。一年前,他和三個股東,合資頂手這小店,以日式串燒及和食料理作主打,闖進這個夜店林立的小區。「我對自己好有自信,我覺得我有能力、有客路,應該可以做得住。」他說。自信滿滿,因為他曾是名店心燒食堂的大廚,2015年,他跟隨恩師過檔心燒食堂,那時這發源於銅鑼灣的人氣夜店,剛剛在尖沙咀厚福街開分店,阿Deep跟着師傅,替新店開檔。

爐火控制純熟,羊架烤得豐潤多汁。
爐火控制純熟,羊架烤得豐潤多汁。

熊熊爐火上的功夫

「哇!上到去係爛地嚟嘅,師傅話你自己度掂佢想要乜。」他說。結果,他硬着頭皮頂硬上,由買雪櫃、爐具、入貨、裝修、計數甚麼都學齊,短短時間,知道一間店是如何開業,又如何運作。「嗰時其實未得架!好講唔好聽,讀書見到數都驚,叫我定價計數,真係腳軟。」他說。

煙肉荔枝卷$30 煙肉燒得香口,荔枝卻仍汁水豐盛,見功年。
煙肉荔枝卷$30 煙肉燒得香口,荔枝卻仍汁水豐盛,見功年。

之後,師傅還讓他學設計餐牌,又落手落腳實戰,廚藝突飛猛進。串燒是他的拿手好戲,鹽落多少、距離遠近,全都講究。控制火候,更是一絕,牛肉用猛火鎖汁,又轉細火,微溫煨熟,燒到外焦香內豐潤。極難燒的蔬菜,也手到拿來,像娃娃菜,極易燒燶,要不停落汁,保持濕潤,他金睛火眼,全情投入,竟有本事燒得腍身帶少少焦香,甜甜的菜,滲着燒烤雞汁的香味。「連日本料理都係自己做,玉子燒、大阪燒、松葉蟹兩食全部都識。」他說。看他一夫當關,自信滿懷,誰想到他曾經是個自我形象低落的青年。「唔怕講,我曾經是個廢青!」他說。

香味牛舌燒$29(前)、秘汁白鱔燒$54(後) 牛舌香口有口感,白鱔燒得爽彈,肉汁豐沛。
香味牛舌燒$29(前)、秘汁白鱔燒$54(後) 牛舌香口有口感,白鱔燒得爽彈,肉汁豐沛。

由廢青蛻變成大廚

年少的他,讀書不成,中三輟學,做過地盤、快餐店、髮型屋,樣樣有憧憬,以為樣樣有前景,但樣樣都做不過一年就完。「嗰陣其實好迷惘,又唔鍾意讀書,又唔知道自己想做乜嘢!咪乜嘢都試下囉!」他說。廿歲人,開始拍拖,女友說,不如轉做飲食業,他又去試。最初在日式餐廳做樓面,打份工,談不上喜歡不喜歡。有一天,他和廚房大佬嗌交,對方嘲諷他,說:「唓!你都唔識做廚房,有甚麼資格批評!」。年少氣盛的他,深深不忿,心裏想:「好!你話我唔識嘛,我就做俾你睇!」

Love craft煙燻啤$65/大、$45/細 本地手工啤,色澤深褐,味道濃郁,有淡淡煙燻味。
Love craft煙燻啤$65/大、$45/細 本地手工啤,色澤深褐,味道濃郁,有淡淡煙燻味。

他轉行,走進熱廚房,竟發現,做廚房更適合自己。「因為煮餸同砌模型好似,配搭、創作、美感,全部都講究!最緊要有人欣賞,呢樣係之前冇嘅滿足。」他說。他第一次嘗到,原來工作滿足好重要,就專心在廚發展,輾轉做過幾間日本餐廳,全情投入。「我未試過放假都返工,師傅冇嘢俾我切,我自己搵嘢出嚟切。」他說。

牆上的高達模型,透露了他還是個大細路。
牆上的高達模型,透露了他還是個大細路。

他由打工,做到今天擁有自己的小店,人人以為他一帆風順,誰知他天天在捱。「去年七月開店,以為做得住,點知位置唔好,又欠宣傳,生意一直在捱,試過最差全日一個客都冇,呀!有一個,叫外賣,仲要係對面車房。」他說。

他不氣餒,每月推出新款式,蛋包鰻魚飯、日式醬油煨港式魷魚,希望試出水溫,吸引客人回頭。「實際呢一年出嘅糧,都放番晒落間店。我未認輸架!我覺得做得好,總會有人欣賞,未來半年,希望收支平衡啦!」他對着爐火專注燒烤,雙眼隱約透出一團紅火。

相關文章

【長沙灣美食】潮州腸粉店!自製腸粉汁+炸蒜日日3pm前沽清

【長沙灣美食】元洲牛肉麵!日限10碗去骨蔥油雞髀麵?

【長沙灣美食】打卡文青Café推介5間!純素蛋糕+柴犬咖啡+玫瑰千層蛋糕

串爆里
地址:長沙灣保安道65號美寧中心D座地下D3號舖

電話:25059968 / 62824808

撰文、攝影:譚偉健

【有好東西分享?】立即去Yahoo Food Facebook 專頁投稿/片