長沙灣美食│西餐大佬急病險死 病癒創業開小店賣麻辣芫荽漢堡

鮮嫩滴汁的雞排下,是一層厚厚麻辣醬汁,雞排和麻辣夾在漢堡中,原來可以水乳交融。
鮮嫩滴汁的雞排下,是一層厚厚麻辣醬汁,雞排和麻辣夾在漢堡中,原來可以水乳交融。

長沙灣新近開張的漢堡小店:麻堡。百呎咁細,僅可外賣,人人以為細雞嘢,卻原來臥虎藏龍。大廚阿Mike,做過西餐廳大廚,又在連鎖餐飲集團,管理過六間分店,身經百戰,桃李滿門,是許多餐飲人的大佬。然而,大佬通常唔會做得耐。他因急病,差點連命都冇。躺在病床上,想起人生匆匆,究竟何重要?到底為誰忙?死裡逃生,洗盡鉛華,自己創業,輾轉之間,在長沙灣開了間漢堡小店,以一道麻辣,一撮芫荽,將創意發揮。做人嘅嘢,馬死落地行啫!落地行,有時更好,可以放慢腳步,把沿途風光看得更清楚。

【立即讚好】全新 Yahoo Food Facebook 專頁

漢堡牛扒每天手打

早上十時許,長沙灣青山道和營盤街交界處,一間小小外賣店,傳出一些聲響。啪啪啪啪、啪啪啪啪、啪啪啪啪、啪啪啪啪……聲響帶着節奏,節奏透出歡娛。看一看,原來是兩個大男人,拿着手上的肉團,開心的在拍打。「漢堡扒一定要鮮製先好食,每日打兩次,上畫開舖前打一次,下畫再打一次。有貨叫架,唔使咁辛苦架,不過我唔叫。」那拍打牛扒的眼鏡男在說。

長沙灣美食│西餐大佬急病險死 病癒創業開小店賣麻辣芫荽漢堡
阿Mike(左)與阿德,每天都用人手打漢堡扒。

他叫Mike,41歲,老闆兼大廚,和拍檔阿德,天天一起在那百多呎的小廚房內打牛扒,二人加多一個收銀女拍檔,一起扛起這店的大小事務。別看他小小的店,他對食材及製作,都很認真。漢堡扒,用美國安格斯牛來做。生菜,指定要用鬼佬羅馬生菜。連麵包,都選本地老字號鳯香園麵包。

長沙灣美食│西餐大佬急病險死 病癒創業開小店賣麻辣芫荽漢堡
解開口罩,終於見真面目,阿Mike(右)與阿德相識於微時,共同為理想打拼。

製作更加落工夫,芫荽漢堡,要先用大量芫荽加洋葱、黑椒及香草打成青醬,漢堡扒還下了粒粒芫荽碎一起打,最後塗醬放扒,還要夾一大撮新鮮芫荽,保證芫荽控失控為止。主打的麻辣漢堡,那麻辣醬,取了台灣眷村的風味,用藤椒、青花椒、川花椒、辣椒乾取麻添辣,加薑蒜蠶豆和香料,下芥花籽油煮出來,配雞扒簡直如魚得水。「麻辣根本就係配雞,你睇下周街都係麻辣雞煲就知啦!點會話唔夾呢!」Mike說。

上過高峰走過幽谷

他對食材配搭十分熟悉,因為餐飲是他從小的志業,耳熟能詳。「細個媽媽病,我要擔起煮飯任務,煮俾細佬妹食,連表弟妹都要照顧埋,成九個人,都係我煮。」他說。煮食這事情,哪有天生喜歡?阿Mike的煮食路,也是初為責任,後成興趣。中學未畢業,因喜歡吃意粉,就跑去西餐廳做學廚。他很勤快,也有天份,輾轉幾年,已在諾士佛台的西餐廳做大廚,後來更在中環和記大廈米芝蓮意大利餐廳IL MILIONE做fine dining。

長沙灣美食│西餐大佬急病險死 病癒創業開小店賣麻辣芫荽漢堡
麻辣雞排漢堡$58(配薯條及汽水加$10、轉特飲加$10)

「嗰陣升得好快呀!後來太興邀請我過檔幫全線茶木設計餐牌,做高層。」被人賞識,意氣風發,他彷彿站在人生的頂端。那時,他不知道,有句說話,叫做福兮禍所伏。「我先天有心漏,5歲做過手術,每五年檢查一次,一直都冇事,係例行公事。」他說。誰知今次,並不例行。醫生一查,發現他的心臟主動脈撕裂,要留院立即做手術。他腦海一片空白,心想明明前途一片光明,難道上天要玩我?

長沙灣美食│西餐大佬急病險死 病癒創業開小店賣麻辣芫荽漢堡
麻辣醬汁下得重手,客人可選大中小辣。

2015年4月,他在醫院動了個大手術,胸口一道傷疤直線而落,但總算逃出了鬼門關。他在病床上,想起自己只有35歲,想起仔女還很小,很彷徨。「留院期間,我思考人生。覺得打工幾廿年,都係幫人打江山,點解唔為自己做啲嘢?」他說。

重回正軌反璞歸真

他康復出院,儘管公司給他挽留,但他無意再為人家作嫁衣,便把樓宇物業賣掉,騰出資金,又招來金主投資,夾份開餐廳,主打台灣菜加西餐。「好好生意呀!兩年開咗三間,增長得好快。」他說。滿以為,一切上了軌道,誰不知,命運又在背後搞局。生意好,他和拍檔及投資者對發展意見相左,店子一直做到2018年,拆夥收場。

長沙灣美食│西餐大佬急病險死 病癒創業開小店賣麻辣芫荽漢堡
青醬用大量芫荽加洋葱、黑椒及香草打成,芫荽控肯定尖叫。

「之後又有老細打本,再開另一間餐廳,賣西式茶餐,最高峰開了六間,又有雞煲又有漢堡,但壓力極大,精神很難應付,2019年6月決定辭工。」他說。

兜兜轉轉,他由一切都有,打回原型,變成一無所有。休息幾個月期間,思前想後,決定反璞歸真,開一間小店,簡簡單單,免郤人事複雜。

長沙灣美食│西餐大佬急病險死 病癒創業開小店賣麻辣芫荽漢堡
芫荽漢堡$78(配薯條及汽水加$10、轉特飲加$10)

「咁啱嗰時佢搵我,佢係我老婆好朋友個細佬,細個有跟過我做嘢,啱啱結婚想創業,不如一齊做囉。」Mike望着阿德說。他和阿德,識於微時,又拍過檔,一拍即合。又找來諾士佛台時的舊朋友,一起合作搞些小生意。「既然做過麻辣,又識做漢堡,就合作開麻辣漢堡店啦!」他一錘定音,小小漢堡店就這樣誕生。

2021年,小店正式開張,正值疫情仍在蔓延時。同「冇得堂食,咪做外賣囉!漢堡呢啲,最啱做外賣架啦!」他說。他今次學乖了,處事也漸圓熟,爐火開始純青。時勢不就人,就人就時勢,轉一轉角度,避一避風頭。只要拍檔同心,踏實去做。漢堡一個一個做,牛扒一塊一塊打,自然會打出獨有滋味,自然能打出一片青天。「係呀!我哋啲漢堡扒係自己用人手打架,咁先好食。」人手打出的一片天,特別踏實,特別可貴。

全新訂座平台「Yahoo訂餐廳×Openrice」正式上線!

>>立即按此了解更多香港各區餐廳訂座優惠<<

麻堡MABO

地址:九龍長沙灣青山道153號地下B舖(地圖按此

電話: 3486 9229

營業時間:11:30am-10pm

今晚食乜好?即睇最強雞翼食譜、牛油果食譜合集

食乜養生好?二十四節氣:中醫教路/湯水進補/穴位養生

自助餐推介!睇盡各種自助餐優惠/回本攻略

想知最新飲食資訊?按此觀看Yahoo Food編輯推介

更多長沙灣美食推介

【長沙灣美食】 30年燒味師傅開檔賣$22雙拼飯 老闆:唔想燒味舖變夕陽行業

【長沙灣美食】隱世港式串燒小店 $60半打燒生蠔/$75原隻花蟹花甲粉

【長沙灣美食】失業爸爸為養家開意粉店!自創車仔麵式意粉剔紙仔揀配料

【長沙灣美食】打卡文青Café推介5間!純素蛋糕+柴犬咖啡+玫瑰千層蛋糕

【長沙灣美食】文青餐廳以茶入饌!烏龍茶炒雜菇+蝶豆花伯爵茶卷蛋

【長沙灣美食】潮州腸粉店!自製腸粉汁+炸蒜日日3pm前沽清

【長沙灣美食】廢青鹹魚翻生!前宵夜店廚師車房竇開追夢串燒店

【長沙灣美食】元洲牛肉麵!日限10碗去骨蔥油雞髀麵?

【今晚食乜好】唔知今晚食乜餸?立即去Yahoo Food 食譜專頁搵靈感

>>按此下載<< 全新Yahoo APP,領取最新餐廳優惠、氣炸食譜、自助餐推介、仲有飲食達人教你識煮識食,讓你成為真正全面的吃貨,立即下載!

文、攝:譚偉健