【內地節目爆內幕？】王祖藍串TVB劇集飯餸唔食得 吳啟華搵助理買真餸

內地綜藝節目《開播！情景喜劇》喺前晚（22日）首播，參加者將會組成隊伍，並由藝人們以處境劇嘅形式，將重新拍攝一套短劇。除咗一班內地演員之外，王祖藍亦率領李子雄、王浩信、高海寧及張振朗北上交流，而佢哋嘅隊伍就叫「無限訓練班」，主要講述幾位新演員比導演欺負。早前網絡瘋傳有一段關於佢哋嘅食飯片段，期間佢哋唔敢起筷，直至王祖藍話佢哋已經離開TVB，去到東方台，啲飯係可以食，擺明串TVB劇集食飯場面嘅飯餸係道具飯，唔可以食。

喺片段開頭，王祖藍就恭喜大家完成隔離，不過佢哋都好拘謹咁坐喺度，唔敢拎起筷子夾餸。王祖藍就拎起筷子開始夾餸，並話：「我們現在也是拍節目，也是真人秀，你們已經習慣了那種TVB拍電視劇拍晚飯的那種習慣，說不吃，有一桌飯在這裏，但是你不吃。」之後眾人就拎起筷子夾餸食飯，王祖藍再話：「放心我們離開TVB，我們來到東方台了，有飯是可以吃的！」 喺呢個時候，吳啟華就表示：「我們在TVB的時候，拍的都是假的菜。後來我學乖了，我自己就讓助理去幫我買真的菜，放在那裏，然後我真的可以吃一點。 」王祖藍回應話︰「所以我們就狠狠地吃，狠狠地講話！」 。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！