關智斌激讚身材一流 李幸倪斷食減磅 Deep V晒成果

Gin Lee穿Deep V裙上陣騷收身成果。
Gin Lee穿Deep V裙上陣騷收身成果。

英皇歌手李幸倪近來狀態大勇,正積極為年底個唱苦練跳唱的她,在配合嚴格控制飲食下,成功減走十多磅,出席活動時更風騷穿起大Deep V展示美好身段,大方請現場嘉賓眼睛吃冰淇淋!

歌手李幸倪(Gin Lee)、藝人關智斌(Kenny)及周勵淇等昨日出席活動,Gin Lee以一條黑色大Deep V長裙大騷美好身段,令現場噴血指數急升,她指剛巧遇上一條合心意的裙子。問到如此進取,是否很滿意自己的身材?她說:「真係瘦咗好多,3個月瘦咗十幾磅。」

她表示全靠不斷跳舞,再加上嚴格控制飲食才有此成果:「用斷食,每日只食一餐,雖然每次有一個鐘乜都食得,但其實都食唔到太多嘢。(唔怕冇力跳舞?)OK喎,琴日都係斷食中去跳舞。」

Kenny「6粒嘢」仲健在

身旁的Kenny對Gin Lee羨慕又妒忌,大讚她身材一流:「要有條件先可以着到咁,唔係個個着到,我就着唔到喇,哈哈!」他表示即將為劇集及電影開工,因劇情需要,他也開始操弗身形,笑言幸好腹肌雖不明顯,但仍然健在:「身為男演員,冇6粒嘢點行走江湖?但斷食對我難啲,因為男仔需要多啲肌肉,會考慮生酮飲食。」

問到Gin Lee會否跟喜歡水上活動的Kenny一起去「船P」騷身材?Kenny即故作緊張,笑着澄清:「船P畀人感覺好似係出海飲酒咁,我嗰啲係出海滑水,健康嗰隻,哈哈!」

看到Gin Lee的身形,Kenny羨慕又妒忌。
看到Gin Lee的身形,Kenny羨慕又妒忌。