阿正自誇「旺夫」 余德丞黐到實

余德丞與阿正祝大家乜都「得」、樣樣「正」!
余德丞與阿正祝大家乜都「得」、樣樣「正」!

藝人余德丞(Dickson)自離巢無綫後,開心有很多新嘗試,但同時面對不少抨擊,他感謝身邊有女貴人藝人黃正宜幫忙,早前2人相約在烘焙店做賀年曲奇,Dickson將「德」寫成「得」字,又寫「正」字讚女方正,而阿正則搞笑要畫Dickson樣貌。

近日Dickson拍ViuTV綜藝節目《粉紅麻甩101》(暫名)大展芭蕾舞技,又做電台和配音,令人氣大增,但有得亦有失,曾因做試食嘉賓差點惹官非,評述世界盃又被指不專業,他認為經一事長一智,自覺說話直率易得罪人,又自爆曾有前輩指點:「佢話我係鹹濕X街仔,叫我做番自己就得。」

而阿正自誇合作過的男藝人都會發達,自認有旺夫相,呼籲男士放膽追求,但指Dickson拒做媒人:「佢話佢啲朋友唔啱我,我諗係為我着想。」提到她拍劇又拍電影,Dickson即表示希望能跟貼她,阿正即笑說:「代表追我囉!」

余德丞笑指阿正是其「貴人」,要跟貼對方。
余德丞笑指阿正是其「貴人」,要跟貼對方。