阿Dee何啟華《毒舌大狀》宣傳訪問被TVB截走 4人訪問變3人 網民直斥小氣台

阿Dee何啟華@ERROR與黃子華、謝君豪、栢天男、王丹妮及廖子妤等演員出演嘅賀歲片《毒舌大狀》即將於1月21日強勢上映，日前一班演員出席活動宣傳新戲及接受媒體訪問。不過，TVB播出嘅訪問片段僅得阿Dee幫手揸咪牌嘅版本；《東張+》播出嘅版本直程從畫面上截走阿Dee，ViuTV則播出「足本版」，網民大感TVB小氣。

從ViuTV播出版本中清楚見到，訪問一共有4人，阿Dee企喺黃子華左邊，謝君豪、栢天男則企喺黃子華右邊。TVB《TVB娛樂新聞台》播出阿Dee有樣冇訪問嘅版本，不過都未夠《東張+》厲害；所播出嘅版本截走阿Dee，由4人訪問變成3人訪問，阿Dee僅出現於大合照中。

當時TVB記者僅訪問另外3位演員，阿Dee亦保持笑容幫手揸咪牌，待其他記者訪問自己時，先一貫幽默作風回答問題，網民紛紛大讚阿Dee有風度，又直斥TVB係小氣台：「Cut走咗阿Dee」、「小氣台又要訪問又要cut走人」等等。阿Dee於過程中曾被其他記者要求舉高啲手上嘅咪牌，又指站位唔太好等，阿Dee只好搞笑地將咪牌舉高至頭上，並對準其他三位演員，又笑指自己揸咪牌揸到好無助。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！