雅虎香港新聞 陳冠希被網民加拿大野生捕獲 現老態被嘲降級成公園阿伯
41歲嘅陳冠希（Edison）當年初出道時集「型英帥靚正」於一身，加上識得著潮牌打扮，成功迷倒一眾少女，不過喺2008年艷照事件後，形象直插谷底，漸漸減少幕前工作。近年佢不斷被指狀態不復當年，臉上魚尾紋、鬚根、M字禿盡現，男神降級成中年大叔。自從2017年與秦舒培結婚後，佢選擇退隱娛樂圈，一家三口長居美國，專注潮流品牌生意及照顧家庭。近日佢被網民們喺加拿大溫哥華一間燒味餐廳捕獲，並將其照片分享到社交網站，不過大部份網民都將重點放係佢顏值不再上面。
近日有幾位網民發現陳冠希出現喺加拿大溫哥華一間燒味餐廳，並將佢嘅照片放上社交網站，照片中嘅Edison穿搭簡單，一件白色Tee，配上淺黃色連帽外套及灰色運動褲，而頸上就戴上一條長珠鏈。網民們睇完佢嘅近照後，紛紛留言表示佢青春不再，例如：「老了殘成這樣子了！年輕時候痞帥痞帥的」、「老成這樣」、「天，他怎麼老了這麼多」、「只剩幾根頭髮了」、「憔悴了很多」、「完美融入公園遛彎阿伯形象了」及「這麼早就不好好打理自己」等等。
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！
是日精選
好聲好戲2丨袁偉豪為丁蟹配音甩嘴失誤 斥節目配樂過大聲影響現場氣氛：唔通配樂先係主菜？
