陳瀅黑色開窿裙與外國明星撞裙 邊位著得好睇啲？

TVB喺日前（26日）舉行《無綫電視55周年台慶亮燈儀式暨記者會》，宣布10月起播出嘅全新劇集及綜藝節目，過百藝員盛裝出席，當中包括陳瀅，佢身穿黑色開窿裙，裙兩邊腰部位置開窿，相當性感。其後陳瀅亦有喺社交網站上載靚相同網民分享，不過其身材就同直播中嘅有少少落差，更被發現佢同其他外國明星撞裙，分別係英國女歌手Dua Lipa、日本女星水原希子及泰國女星Davika Hoorne，仲被比下去，唔知大家又覺得佢哋邊位出得好睇啲呢？

陳瀅一向都話自己唔係身形纖瘦嘅女藝人，而入行以來都係有肉地嘅身形，再加上呢條黑色開窿裙可以話係非常蝦人著，雖然令佢望落更加大隻，不過整體造型高貴又大方，唔少網民睇完相片後都紛紛留言大讚好靚。而英國女歌手Dua Lipa擁有玲瓏浮凸嘅身材，呢條裙令佢睇落更有線條；擁有骨感身材嘅日本女星水原希子，著上呢條裙更加展露其性感魅力；泰國女星Davika Hoorne可以話係行走嘅衣架，著上呢條裙令佢纖細嘅腰線顯得矚目，體態線條更加完美，展現出高貴優雅嘅形象。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！