陳自瑤上載獨家影片到小紅書獲讚靚 內地網民不知連詩雅是誰：「她是誰？」

每年無綫台慶一班女藝員都悉心打扮，穿上性感戰衣同其他女星爭妍鬥麗。陳自瑤（Yoyo）喺台慶當日穿上黑色低胸高衩裙，一出場即成為焦點，吸睛程度爆晒燈！陳自瑤其後除咗上載照片到IG等社交平台之外，佢更特意上載自己喺後台嘅影片到小紅書同內地網民分享，唔少內地網民都大讚佢靚及保養得好好，不過就有網民唔認識同佢一齊拍片嘅連詩雅。

喺今年台慶，現年41歲嘅陳自瑤盛裝出席，穿上黑色低胸高衩裙，大騷其弗爆身形。陳自瑤除咗喺IG上載多張照片之外，亦特意上載自己喺後台嘅影片到小紅書，獨家同內地網民分享，Yoyo喺後台行來行去，不時擺出誘人嘅甫士，展現驕人上圍及白滑長腿，睇到一班內地網民流晒鼻血，紛紛留言大讚佢，例如「真是天使面龐魔鬼身材」、「就喜歡這種身材，太完美」、「可愛又性感」、「你是不會老的嗎」、「樣靚身材正，不得了」、「自信又優雅，好棒」及「姐姐好美！身材好辣！」等等，而Yoyo亦有留言多謝網民嘅愛戴：「謝謝大家喜歡！愛你們」。

喺其中一條影片中，陳自瑤亦有加埋同好姊妹連詩雅嘅合照，不過就有網民似乎唔係好認得連詩雅，留言：「她是誰？」、「另一個叫什麼名字」、「另一位是？」及「白色裙的不好看」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！