陳茵媺確診日日收陳豪愛心餐 網友揭一謎思

陳茵媺確診日日收陳豪愛心餐 網友揭一謎思

藝人陳豪(阿Mo)太太陳茵媺月中確診新冠病毒,因而被隔離一段時間,依家已經好番晒嘅佢,今次佢就遵從佢一向嘅拍片作風,為今次隔離記錄日常,不過就唔係佢嘅隔離日常,而係拍低一日三餐開門收由老公陳豪親自送上門嘅愛心飯盒及飲品,真係睇到恨死旁人!

愛妻心切嘅陳豪,日日拎飯畀老婆。
愛妻心切嘅陳豪,日日拎飯畀老婆。
陳茵媺冧到呢~
陳茵媺冧到呢~
陳豪換咗套衫,應該係第二日喇。
陳豪換咗套衫,應該係第二日喇。

只見陳茵媺影住自已多次由開門到見到門口嘅餐袋,再到佢pan去𨋢口,影住戴上口罩嘅陳豪就企定定等同太太揮手say hi同bye,似乎一日三餐都係陳豪親自「蜜蜜送」,認真sweet爆。雖然佢哋主力放閃晒恩愛,不過網友就發覺片中雖然見到陳茵媺開門、閂門好多次,不過似乎陳豪着嚟着去都係得一、兩套衫,最多都係戴多頂帽,並紛紛推測高度防疫嘅佢,唔知係咪怕黐病毒上衣物,所以次次送餐都係同一套「制服」,免得件件衫都有菌。

佢兩個真係見少一秒都唔得呀!
佢兩個真係見少一秒都唔得呀!
仲有手搖飲品。
仲有手搖飲品。
咦…又係呢套衫?
咦…又係呢套衫?
唔通怕有菌?
唔通怕有菌?