陳蕾唱「初戀」 預咗同軒公比較

岑寧兒(左)與陳蕾落力獻唱,堅稱沒有「讓賽」。
岑寧兒(左)與陳蕾落力獻唱,堅稱沒有「讓賽」。

歌手陳蕾與岑寧兒前晚在九展為聯乘音樂會尾場演出,陳蕾笑言不會喊,因還未到「喊點」:「你幫咗我好多,搵Key、捉緊個音,連英文發音都教埋。」岑寧兒表示:「唔會喊囉,好開心同好友合作,早年返嚟覺得自己格格不入,但識咗陳蕾之後感覺好好多。」

完騷後,問陳蕾在Encore環節唱宇多田光名曲《First Love》練習了多久?她說:「我諗9歲開始,《First Love》差唔多我9歲出,首歌紅到廣州,我好細個已經識唱。」談到張敬軒亦在演唱會Encore時唱《First Love》,可擔心被比較?她說:「唔會,唱得人哋嘅歌預咗有比較,驚同宇多田光比較多啲。(軒公定你唱得好啲﹖)我睇咗少少,真係唔知,要聽晒先知。」