離鄉別井的故事丨林師傑自爆曾想輕生 與歐陽巧瑩移英尋空間 ：錯唔緊要，咪返番轉頭

林師傑和老婆歐陽巧瑩去年10月移居英國，日前擔任簡淑兒（Jessica）主持嘅HOY TV節目《離鄉別井的故事》最後一站伯明翰嘅嘉賓，大談移民生活，原來林師傑和歐陽巧瑩早已萌生移民念頭，婚後歐洲蜜月之旅係一場契機，希望追求快樂嘅生活及空間，所謂嘅空間係指可以做自己想做嘅事及想過嘅生活。

林師傑直言於香港生活經常糾結要點樣先開心：「有一段時間，我長期想怎樣離開這個世界」。歐陽巧瑩睇見老公咁嘅情況，不惜於7月計劃移民，一手包辦所有移民手續及文件，於10月帶同兩隻愛犬正式離港。離開一個熟悉嘅地方展開新生活並唔容易，歐陽巧瑩表示點都要試一試：「如果錯，唔緊要，咪返番轉頭，但要試，趁後生多啲去試，而我幾開心見到佢（林師傑）過到嚟英國之後，成個人唔同咗。」而暫時睇嚟二人仲好鍾意英國生活，歐陽巧瑩分享到英國後多咗空間，令佢有更多機會鑽研唔同菜式，滿足自己做「煮婦」。林師傑亦曾喺網上直播時透露唔想返嚟：「喺呢度多咗空間同時間，我唔想返嚟……喺香港唱片公司唔buy，電視台唔buy，哈哈！」另外，佢又表示希望將來可以有個農場，經營B&B及整理舊車。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！