雪姨盆菜比較惹負評新年市集現退租潮 茶餐廳發文反撃

雪姨
雪姨

有「富貴KOL」之稱嘅雪姨近日將酒店與茶餐廳嘅迷你盆菜拍片作比較,惹嚟公關災難,縱然兩度發文道歉,但網民並唔接受,就連近日有份主辦嘅新年市集都出現退租潮。

雪姨分別將Ritz-Carlton HK$688一人份盆菜、帝京酒店HK$788二人份盆菜和深水埗基隆茶餐廳HK$128一人份盆菜點評,大彈茶餐廳盆菜蝦肉霉、髮菜少,網民對此比較組合感到唔公平,亦指雪姨借機引入生髮產品廣告好唔尊重,又喺艱難時期向小店踩多腳,雖然雪姨隨即將影片下架同時致歉,不過網民就唔賣帳,指雪姨將責任推卸於Content Team身上。噚日(23日)雪姨再次發文向大眾及基隆茶餐廳道歉,表示已作內部檢討:「今次的事件正正為我及團隊上了一課,在以後發佈影片前,我們將會更加嚴謹做好內容的把關。」

有網民就喺涉事Ritz-Carlton社交平台投訴,Ritz-Carlton分別以中、英文回覆:「酒店並未有進行任何贊助。而有關短片內容,酒店亦沒有參與。」又表示希望香港飲食業能百花齊放。至於,基隆茶餐廳小編就喺官方社交專頁發文,指「睇唔過眼有大口KOL詆毀本餐廳聲譽」,表示盆菜並無雪姨講到咁難食:「我會考慮告你誹謗架」。唔少網民留言感謝佢哋一直關懷弱勢社群,又貼上盆菜照力撐抵食兼好食; ViuTV劇集《IT狗》飾演「Johnny仔」嘅鄧子超(小B)現實中同樣經營茶餐廳,佢就喺IG限時動態發文支持:「一人盆菜幾好啊!食材價格不斷上升,食肆已經係好難經營,能夠咁用心服務大家,大家要好好珍惜同支持!」

盆菜事件亦牽連到雪姨近日有份主辦嘅新年市集,唔少檔主都決定退租;當中,UFO達人卓飛表示唔會再喺呢個市集擺檔,並以「八婆」大鬧雪姨:「簡直係羞恥... X! 執野走!最多咪蝕租金!我唔信啲貨賣唔出。」亦有大量網民湧到市集Facebook留言表示唔會支持:「冇髮菜賣就執笠啦」、「原本諗住去,現在不了」、「黑心八婆搞嘅不了」、「有良知嘅檔主一定唔會繼續喺嗰度擺檔」等等。

影片截圖
影片截圖
影片截圖
影片截圖
茶餐廳Facebook出PO
茶餐廳Facebook出PO
酒店Facebook回覆留言
酒店Facebook回覆留言
酒店Facebook回覆留言
酒店Facebook回覆留言
雪姨
雪姨
雪姨
雪姨
雪姨
雪姨

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!