【零食送上門】4大零食網店比較 零食福盒/免運費/任何購物減$38
新春在家與朋友聚會都少不了吃糕點、零食,依家只要安坐家中都可以等零食送上門!今次Yahoo格價專員就比較4間零食網店,從貨品種類、價錢、運費等多方面睇吓邊間最抵買!
按此下載全新Yahoo APP,緊貼全城著數優惠、至抵慳錢攻略、精明消費貼士,仲有新人禮等你拎,立即下載!
1. 零食大王 新春購物減$38
抵買度:★★★★★
零食大王款式最多元化,集合多達五百幾款不同國家零食,成年無去過旅行,有時食吓日韓零食都可以止下癮!還有不少港人喜歡的品牌好似Royce,也是店內高人氣零食,網店推行會員制,每次購買都可以儲零食金,每消費$1,即可賺取1個「零用錢」,用作下次買零食時使用!
除了全店減價,任何購物可再在新春換購區加優惠價$18、$28、$38入手人氣零食,其中泰國人氣還魂梅糖,是泰國頭等艙、六星級酒店指定零食,依家加$18就買到,十分推介!零食Outlet區也有不少熱門零食精選,但留意部份賞味時間會較短。
2. 上倉胃子 賀年禮品買2送1
抵買度:★★★★
雖然選擇較上一間零食天王少,但上倉胃子網頁版面簡單清晰,插圖夠生動同吸睛!網店推介最新及人氣零食,款式部份都幾特別,近期不少人喜歡的煙韌小食,小編見到日本推出的蒟蒻珍珠都幾吸引,可加落咖啡飲用好有口感!整體價錢方面,也算是大眾化,而且難得新年優惠做緊日本禮盒買二送一,還想買來送禮給朋友的是不錯選擇,自己買嚟食都開心呀!
最吸引相信是新年限定零食盒,可食到3款最高人氣零食,仲有隨機6-9款零食分類,零食盒每個月都推出新款,保證唔會食悶你!
3. 好好味 親民價入懷舊零食
抵買度:★★★
喜歡港式士多的朋友要留意,好好味主打懷舊零食,戒子糖、朱古力豆,大家可以找到回憶的味道!如果想食懷舊小食,絕對要喺呢度入貨,仲有夾糖系列都好吸引,有好多選擇,但就要大包入手,但想購入日本進口零食,價錢就不算很抵買!
雖然沒有特別的新春優惠,但難得集合多款本地零食,而且上網都可以夾糖!仲要款式多達70幾款可揀,有必食的酸沙可樂樽及荷包蛋,份量超多,好適合新年同朋友開心Share!
4. jimmyjungle 度身訂造零食禮盒
抵買度:★★★
jimmyjungle為本土零食網店,提供日本、台灣、韓國等不同國家零食種類選擇!這間零食網店最特別是可以幫客人度身打造驚喜零食禮盒,十分有趣!保證零食有8-12款,禮包內有機會會包含一份Jimmy Jungle既特別禮物,送禮物給零食控朋友好有驚喜!
不要錯過還有大平賣零食區,可以找到不少人氣零食,但留意到期食用日購買!另一個十分適合懶人的零食訂閱計畫,可根據不同需要,選擇適合一家大細、上班族的零食盒!
相關文章:
春天將至~日本BANDAI為角落生物推出春季限定草莓牛奶撻及烤皮糯米糍,粉絲們怎能不試!